1. Alif-lam-mim
2. Adlis-nni
ur yelli deg-s tazakkt d tawelha i yemaksaḍen
3. D wid i
ytteflasen s wedrug, ttbaddiden ɣer tẓallit u seg wayen i sen-nefkan ttṛuẓen-d
4. Widak
ytteflasen s wayen i d-yersen fell-ak, d wayen i d-yersen send-ik u deg
tnegarut nutni selkanen
5. Widak-nni
atnan deg twelha s ɣur bab-nsen, widak-nni i d imlumẓen
6. Widak i
yneblen ama tεeggenḍ-asen neɣ ur sen-tεeggneḍ ara ur felsen ara
7. Yemdel ḷḷah
ɣef ulawen-nsen d tmesliwt-nsen u ɣef iẓri-nsen taṣṭaṭ u ɣur-sen adgaẓ d abarar
8. Llan seg
kra n medden wid i d-qqaren d akken nefles s ḷḷah d wass aneggaru u nutni ur
llin d ifelsanen
9. Ttɣɣendifen
ḷḷah d wid i felsen ur ttɣɣendifen anagar iman-nsen ur ukin
10. Deg
ulawen-nsen aṭṭan yerna-yasen ḷḷah aṭṭan u ɣur-sen adgaẓ qerriḥen s wayen llan
skerkisen
11. Ma
nnan-asen ur sttwaɣayem ara di tmurt nnan-d anaɣ nekni d imessewkan
12. A d nutni
i d imeggufsa maca ur ukin ara
13. Ma
nnan-asen felsem akken felsen medden nnan-d wah a nefles am akken felsen
ungifen a d nutni i d ungifen maca ur ẓṛan ara
14. Ma
mlalen-d d widak i felsen nnan-d nefles, u ma yusafen d iriren-nsen, nnan-d
aqlaɣ did-wen anaɣ nekni d imessunḍa
15. Ḷḷah ittaḍsa
fell-asen u issiɣzif-asen di uḍenkey-nsen ttdahmiṣen
16. Widak d
wid yuɣen ağmaḍ s twelha ur iriz aznuzu-nsen u ur llin d imniren
17. Amzun-nsen
am win i yesawɣen times mi tfeğeğ ayen i s-d-izin yewwi ḷḷah tafat-nsen u yeğğa-ten
di tillas ur sekden ara
18. D iεeẓẓugen
d igugamen d iderɣalen u nutni ur d-ttuɣalen
19. Neɣ am
uggefur seg igenni deg-s tillas d iggig d usem ggaren iḍudan-nsen deg imeẓuɣen-nsen
ɣef tiggag si tugdi n tmettant u ḷḷah yezzi-d (s tmusni-ines) i irnaflasen
20. Usem druɣ
asen-yawi asekkud-nsen m yal tikkelt asen-d-ifeğeğ ad ddun deg-s mi ara teṭṭuleṣ
fell-asen ad bedden u amer irad ḷḷah asen-ikkes timesliwt-nsen d tmeẓriwt-nsen
u ḷḷah ɣef kra yellan d anezmar
21. Ay imdanen
mudem bab-nwen i kun-d-isnulfan d widak send-nwen i wakken ad teksuḍem
22. Winn-a i
kun-d-irran tamurt d ussu, igenni d aslef, isseɣli-d seg igenni aman issufɣ-d
yis seg igumma d takbelt i kunwi, ihi, ur tteεadilm ara i ḷḷah timizziwin u
kunwi teẓrim
23. Ma tellim
deg tezakkt ɣef ayen i d-nesers ɣef umdan-nneɣ ihi awim-d yiwet n tsuṛett seg
umzun-is, u teɣrem-d i inagan-nwen asel ḷḷah ma tellim d at n tidet
24. Ma yella
ur ṣawḍem ara yarna ur teṣṣawaḍem ara ihi armem times aserɣu-ines d imdanen d
yedɣaɣen tettwasmmuteg i yernaflasen
25. Sedwet widak
ifelsen, skuren tulluɣin d akken ɣur-sen almaten ttazzalen ddaw-nsen isaffen,
yal mi ara ttukeblen seg-sen s ugummu nnan-d: d wa i nettwakbel yakan,
wwin-asen-t-id yettemmerwas, u ɣur-sen deg-sen tilawin yettusizdegen, nutni
deg-s d imaɣlalen
26. Atan ḷḷah
ur ittzerkkit ara ad yewwet kra umdeya tizitt d wayen yellan nnig-s ma d wid
ifelsen ẓran d akken d tidett sɣur bab-nsen ma d wid ineblen ad qqaren d acu i
rad ḷḷah s wa d amedya isseğmaḍ yis ḥawli, u ittwellih yis ḥawli u ur isseğmaḍ
yis anagar inefruɣen
27. Widak
yettruẓun arkawel n ḷḷah seld tuqna-s u gezzemen ayen yessuneḍ ḷḷah ad yettuzdi
u settwaɣayen di tmurt widak d imukal
28. Amek ara
tneblem s ḷḷah u tellim d inmettanen isider-ikum-d sin akin a kun-ineɣ, sin
akin ad kum-d-iskker sin akin ɣer ɣures ara tuɣalem
29. D netta i
wen d-isnulfan ak ayen yellan di tmurt dɣa yezzi ɣer igenni igerrz-iten ṣa
igenwan u netta s kra yellan d amusnaw
30. Mi yenna
bab-ik i iniren: aqli-yi ad serseɣ di tmurt tamzart, nnan: ad tserseḍ fell-as
win ara yesttwiɣen deg-s, ad issazel idammen, nekni nesminig s umay-ik, nesffuẓur-ik.
Yenna: nekki ẓriɣ ayen ur teẓrim
31. Yesselmed-as
i adam akk assaɣen sin akin imla-ten i iniren, yenna-asen: innim-iyi-d assaɣen
n widak-a ma tellim d at n tidet
32. Nnan:
tamanegt-ik ur nessin anagar ayen i ɣ-teslemdeḍ, d kečč i d amassan i d amasnag
33. Yenna: a
Adam, inni-asen-d assaɣen-nsen. Mi sen-d-yenna assaɣen-nsen yenna: ur ken-d-nniɣ
ara d akken ẓriɣ adrug n igenwan d tmurt; yerna ẓriɣ ayen i tteskanayem-d d
wayen i ttefrem
34. Mi nenna i
iniren: anzem i adam dɣa unzen anagar iblis igguma issemɣer iman-is, u yella
seg yirnaflasen
35. Nenna: a
adam zdeɣ kečč d tmeṭṭut-ik di turtit, ččem seg-s s undez ansi tebɣim, ur ttaẓem
ara addag-a neɣ ad tillim seg iruɣdimen
36. Isucceḍ-iten
irin fell-as s sin u issufeɣ-iten-id deg wayen llan, ihi nenna-yasen: ṣubem,
yal wa seg-wen d acengu n wayeḍ, u ɣur-wen di tmurt tamezdɣut d ustummen ar
asra
37. Dɣa iṭṭf-d
adem seg bab-is kra n wawalen dɣa isuref-as. D netta i d amessaruf, i d amnahaɣ
38. Nenna: aṭrem
s sin akken ma tellim, ma tusa-yawen-d sɣur-i twelha, ma d win iḍefren
tawelha-inu ulac fell-asen tugdi, u nutni ur ttnuɣnin ara
39. Ma d wid
ineblen u sekreksen s waylanen-nneɣ widak d at tmest nutni deg-s d imaɣlalen
40. A tarwa n
isṛail, mmektim-d tanafut-iw i kun-d-budeɣ u ğneğmem amiru-nwen akken ad ğneğmeɣ
amiru-inu, u aggadem-iyi nekini
41. U felsem
s wayen i d-uṣuṭreɣ i yezzeɣẓanen ayen yellan yidwen u ur ttilim ara d imezwura
ara yneblen yis, u ur ttaɣem ara s waylanen-iw azal drus-it, u kṣuḍem-iyi
nekini
42. U ur
reggim ara tidett s tkerkas u ur ttefrem ara tidett u kunwi teẓrim
43. Beddem ɣer
tẓallit, sufɣem takuti n zzakat teknum d imḥunnar
44. Is
tettenbaḍem medden ɣer tulluɣt u tettum iman-nwen, kunwi teqqaṛem adlis? Ur
tettxemmimem ara
45. Salelem
iman-nwen s tẓiḍert d tẓallit, a d tan d tameqṛant anagar ɣef imziḍren ɣer ḷḷah
46. Widak ittɣillen
d akken ad mlilen d bab-nsen, u nutni ar ɣur-s ad uɣalen
47. A tarwa n
isṛail mektim-d tanafut-iw tin i kun-d-budeɣ u smenyafeɣ-kum ɣef imaɣraden
48. Kṣuḍem
ass anda yiwen ur isgawan wayeḍ deg acemma, ur yettwaṭṭaf seg-s alaɣad, ur d
yettawi ara seg-s tiɣmi ur ttwasellaken
49. Mi kun-d
nsellek seg at ferεun, sewwayen-awen timerẓagin zellun arraw-nwen, ttağğan
tilawin-nwen, annect-nni d tirmit meqren s ɣur bab-nwen
50. Mi nebṭa
yiswen ilel dɣa nsellk-ikun-d, u neseɣḍer at ferεun u kunwi tettwalim
51. Mi nefka
asihar i musa kkumraw wuḍan, sin akin terrim agenduz d illuw seld-is, u kunwi d
iruɣdimen
52. Sin akin
nesurf-awen seld wannecten ahat ad tesnammerem
53. Mi nefka
i musa adlis d unawel i wakken ad tettuwelhem
54. Mi yenna
musa i wegdud-is: a yagdud-iw: aqli-kum tẓeḍmem iman-nwen mi terrim agenduz d illew, rrem aḍar ɣer umeɣnu-nwen, nɣem
iman-nwen, d ayenni ayif-awen ɣur umeɣnu-nwen, dɣa isurf-awen. D netta i
d-ittarran tamella-is d amnahaɣ
55. Mi
tennim: a musa ur netteflas ara yis-k alama nwala ḷḷah s utram, dɣa iwwi-kum
usem kunwi tettwalim
56. Sin akin
nessider-ikum-d seld tamettant-nwen i wakken ad tesnammerem
57. Nesdari-kum
s usigna nsers-d fell-awen tammumt d tiberdefelin, ččem si tufutin i
wen-d-nefka. Ur ɣ-ẓekkren ara maca d iman-nsen i ẓekkiren
58. Mi nenna:
kecmem taddart-a, ččem seg-s ansi trim s tnnuflayt u kecmem si tewwurt u kunwi
tunzem, inim: ḥiṭṭa (aseɣli), awen nessuref ibekkaḍ-nwen u ad nernu i imalaɣen
59. Semseklen
wid i yesnnurfen awal maci d win i sen-d-nnan dɣa nesseɣli-d ɣef wid i
yesnnurfen adgeẓ seg igenni mi ttufuɣen i webrid n ḷḷah
60. Mi yetter
musa aman i wegdud-is, nenna-yas: wwet s tesɣart-ik aẓru, dɣa ṭreḍqen-d seg-s
mraw d sin n yeɣbula, teẓra yal tawsit anta i d tala-ines, ččem, swem seg
tirgit n ḷḷah, ur settwaɣayem ara di tmurt
61. Mi tennim
a musa ur neẓẓiḍer ara ɣef yiwen n wučči, ssuter-aɣ-d bab-ik a ɣ-d-issufeɣ seg
ayen i d-tessemɣay tmurt g uɣessim-is d tɣesmit-is d tiskert-is d tniltit-is d
uẓalim-is. Yenna-asen: ad tsmeskelem ayen yelhan s wayen n diri? Aṭrem ɣer iɣrem
ad tafem seg-s ayen tessuterem. Yuta-d fell-asen useklel d ungaẓ uklalen
tagernint n ḷḷah, imi ur flisen ara s waylanen n ḷḷah, ttnuɣen imazanen war
azref, ayenni imi ṛẓan awal, u llan ttefɣen i tlisa
62. Widak
ifelsen d widak iqlen d udayen d nnaṣaṛa d imeẓẓunay (ṣṣabi'in), win ifelsen s ḷḷah
d wass aneggaru, u isker tulluɣt, ɣur-sen tarrazt-nsen ɣur bab-nsen ulac tugdi
fell-asen, u nutni ur tnuɣnin ara
63. Mi neṭṭef
akfawel-nwen, nerfed nnig-wen adrar n ṭuṛ, ṭṭefem ayen i kun-d nefka s tezmert,
u bedrem-d ayen yellan seg-s akken ad taggadem
64. Sin akin
tuɣalem ɣer deffir, amer mačči d alammun n ḷḷah fell-awen d tmella-is tili
tellim seg imukal
65. Iwarna teẓrim
widak yeṛẓan awal deg ass n sad dɣa nenna-yasen illim d ibkan iherdan
66. Dɣa
nerra-tt d tamsirt i wayen yellan s dat-s d wayen yellan s deffir-s u d taliya
i yemaksaḍen
67. Mi yenna
musa i wegdud-is atan inebbeḍ-ikum-d ḷḷah ad tezlum tafunast, nnan-as terriḍaɣ
d taḍṣa, yenna ad leɣseɣ i ḷḷah, ad illiɣ seg innuzaɣen
68. Nnan
siwel-as i bab-ik a ɣ-d-ifru d anta, yenna atan iqqaṛ-d d tafunast ur d
tawessart ur d tackṛamt, ger-asent, ihi sekrem ayen i tettwanebḍem
69. Nnan,
siwel-as i bab-ik a ɣ-d-ifru d acu i d ini-is, yenna atan iqqaṛ-d d tafunast d
tawraɣt iḥmeq yini-is tssumur imanayen
70. Nnan,
siwel-as i bab-ik a ɣ-d-ifru d anta atan tistan rewsent fell-aneɣ, ma irad ḷḷah
ad tt-id naf
71. Yenna
atan iqqaṛ-d d tafunast ur d tamanunt tkerrez akal, ur tesseway uẓu d tamalzayt
d tayninit, nnan tura tewwiḍ-d tidett dɣa zlan-tt, druɣ! Ur skiren ara
72. Mi tenɣim
iman, ssin wa i ttarra-tt ɣef-a (temmentawem), u ḷḷah ad d-issufeɣ ayen i
t-ttefrem
73. Nenna
wtem-t s kra seg-s akken daɣen ḷḷah yesidir-d imettiyen a kun-d-isken imlan-is
ahat ad tegzim
74. Sin akin
qquṛen wulawen-nwen atnan am ublaḍ neɣ ugar deg tɣuri, imi llan seg iblaḍen
ayen i d-iṭerḍiqen seg-sen isaffen, seg-sen ayen i yfellun ttefɣen-d seg-sen
waman, seg-sen ayen i d-ittṣubbun s tugdi n ḷḷah u ḷḷah mačči d awnil ɣef wayen
teskurem
75. Ma
tettkkeylilem a kum-felsen, u yella wegraw seg-sen ssalen i wawal n ḷḷah sin
akin seḍranen-t seld mi t-gzan u nutni ẓran
76. Ma mlalen
d widak ifelsen ad inin nefles, mi ara ad illin ger-asen qqaṛen : is a
sen-ttawwim awal ɣef ayen i d-ildi ḷḷah fell-awen i wakken ad kum-zernen seg-s
zdat n bab-nwen ur tgezzum ara
77. Zeεma ur ẓran
ara akken ḷḷah iẓra ayen i ttefren d wayen i ssuḍruren
78. Llan
seg-sen irgemmayen, ur ssinen ara adlis anagar tikerkas nutni ttɣilen kan
79. A nger! n
widak yettarun adlis s ifassen-nsen sin akin qqaren wa s ɣur ḷḷah i wakken ad aɣen
seg-s kra n wazal, a nger-nsen ɣef ayen uran ifassen-nsen, a nger-nsen ɣef ayen
i ttlummuẓen
80. Nnan ur aɣ-tettnal
ara tmes, anagar kra n wussan kan, ini ma yefka-awen allal awal atan ḷḷah ur
yettuɣal ara deg wawal-is. Neɣ teqqarem-d ɣef ḷḷah ayen ur teẓrim ara
81. Hima,
win-a i d-ilummẓen ayen n diri u tezzi-as-d tirmeğğut-is, widak d at tmes nutni
seg-s d imaɣlalen
82. Ma d
widak ifelsen u skuren imullaɣ, widak d at n temsut nutni seg-s d imaɣlalen
83. Mi neṭṭef
akfawel seg tarwa n isṛayil : ur tttmudum ara anagar ḷḷah u εellem ulluɣ i
yemarawen, d widak i kun-ittilin, d igujilen d igellilen, u inim i medden awal
aẓidan, bedem ɣer tẓallit, fkem takuti n zzakat, sin akin tuɣalem ɣer deffir
anagar kra deg-wen, u kunwi tbernem-d s waεrur
84. Mi neṭṭef
akfawel seg-wen ur tessazzalem ara idamen-nwent, ur tessufuɣem ara iman-nwen
seg ixxamen-nwen sin akin tessikzem u kunwi tettnagim
85. Sin akin
kunwi a widak-a tettnuɣum iman-awen u tessufuɣen kra deg-wen seg ixxamen-nsen u
tettakem fell-asen afus s ubekkaḍ d tzernant, u ma yella usan-awen-d d
imakrafen teseɣmayem-ten, u anecten ittwagdel fell-awen a ten-tessufɣem, is
tfelsem s kra n wedlis, u ad tneblem s wayeḍ; ihi ur d amuttel n widak i
ytteskaren anecten deg-wen anagar akcaf di tudert n tedduyt, u ass n tnekra ad
uɣalen ɣer umutel meqṛen nezzeh. U ur yella ara ḷḷah d amazlal ɣef ayen
teskarem
86. Widak-nni
d widak iwɣan tudert n tedduyt s tin n tneggarut, ur yettifsus fell-asen udgaẓ,
u nutni ur ttusrennawen
87. Aqlaɣ
nefka-yas i musa adlis, neseḍfr-as-d s deffir-s imazanen, u nefka-yas i εisa
mmi-s n maryem timitar nerna nesbedd ar ɣur-s aneli-agerram (ğibril). Is yal
tikkelt i-kun-d-iwsa umazan s wayen ur ttramem ara tessemɣaṛayem iman-nwen, wa
teskerksem-t wayeḍ tettnuɣum-t
88. Nnan:
ulawen-nneɣ ttlen, ɣend ikewr-iten ḷḷah ɣef ternaflast-nsen, imi drus kan i
felsen
89. Mi
sen-d-iwsa udlis sɣur ḷḷah yessuɣzan ayen illan did-sen gam, u llan ssuturen ad
tettwilddi fell-asen ɣef widak i yneblen, mi sen-d-iwsa ayen ssnen neblen yis,
ihi tarbbiṭṭ n ḷḷah ɣef irnaflasen
90. D yir
ayen s wacu iwɣan iman-nsen ad neblen s wayen i d-issers ḷḷah, s uẓḍam ad
d-issers ḷḷah seg ulammun-ines ɣef win ad yiri seg imdanen-is ɣef aya megren-d
reffu ɣef reffu, u i yernaflasen adgeẓ d ubxiṣ
91. Ma
nenna-asen felsem s wayen i d-issers ḷḷah, nnan: a nefles s wayen d-irsen
fell-neɣ, u ttenbalen s wayen illan deffir-s, u anecten d tidet, issuɣẓan ayen
yellan ɣur-sen. Ini ayen ihi i tettnuɣem asaren n ḷḷah ttuɣen ma tellim d
inaflasen
92. Yaxi
iwsa-yawen-d musa s tmitar, sin akin tεelem agenduz d illew sdeffir-s, u kunwi
d iruɣdimen
93. Mi neddem
akfawel-nwen, nerfed nnig-wen adrar n ṭuṛ, ddemem ayen i kun-d-newwi s tezmert
teslem. Nnan: nesla u nerẓa awal dɣa yeswa ul-nsen tayri n ugenduz s
ternaflast-nsen. Ini d yir ayen ɣer i kun-ssunuḍ teflest-nwen ma tellim d
inaflasen
94. Ini ma
yella axxam anegaru ɣur ḷḷah i kunwi kan, d tamṭṭalalt zenifet n medden, ihi
ssirmem tamettant ma tellim d imuɣuẓanen
95. Werğin ad
tt-ssirmen s wayen i sezwaren ifassen-nsen, ḷḷah d amusnaw s iruɣdimen
96. Ad
ten-tafeḍ ttẓuẓen tudert ugar medden d wid i yessiziren, ad issaram yiwen
deg-sen ad yedder agim n iseggasen acu anecten ur t-ittsellik ara seg wedgaẓ, ḷḷah
d amizray ɣef ayen skuren
97. Ini, win
illan d acengu i ğibril ihi d netta i t-id-issersen ɣef ul-ik s turag n ḷḷah
yessuɣẓan ayen yellan ger ifassen-is, d awelleh d tkubbirt i yenaflasen
98. Win illan
d acengu i ḷḷah d iniren-is d imazanen-is d ğibril d mikayil, ihi ḷḷah d acengu
n yirnaflasen
99. Aqla-ɣ
nessers-ak-d aylanen d timitar, ur inebbel seg-sen anagar imfagguten
100.Wah m yal
tikkelt ara d-fken awal a t-rẓen kra deg-sen, tuget-nsen ur ttfelisen ara
101.Mi i
sen-d-iwsa umazan s ɣur ḷḷah, issuɣẓan ayen yellan did-sen, iglez yiwen n
wegraw seg widak i wumi ittunefk-asen wedlis adlis n ḷḷah ɣer deffir yeεruren-nsen
am akken ur ẓran ara
102.Ḍefren
ayen i d-ɣaren irinen ɣef tgelda n sulayman, ur yenbil ara sulayman, maca d
irinen i yneblen, sselmaden tisemtit i medden d wayen i d-ittusersen ɣef sin
iniren di babil : haṛut d maṛut, maca ur sselmaden kra i yiwen alamma nnan-as: «nekni d tilla,
ur nebbel ara», akken ttelmaden-d seg-sen amek ad bṭṭun ger wergaz d tmeṭṭut-is,
maca ur zmiren ad kmmun yiwen alamma irad ḷḷah, ttelmaden ayen ten-ikemmun, ur
sεin deg-s kra n ubaɣur, iwernu ẓran belli winn-a i t-iwɣan ur isεi ara amur
deg tneggarut, d yir wayen i ɣef i zenzen iman-nsen amer ssnen
103.U amer
felsen u uksaḍen, tili tarrazt-nni s ɣur n ḷḷah tif kra yellan amer ẓran
104.A widak ifelsen!
Ur qqarem ara: «ṛaεina» (fkaɣ-d tameẓẓuɣt), inim-as: « muqqel-aɣ-d», slem, u i irnaflasen yiwen n udgaẓ qerriḥen
105.Ur
yettiri wid ur neflis ara seg at wedlis, neɣ imesduklen, ad ittwassers
fell-awen kra n tulluɣt s ɣur bab-nwen, maca ḷḷah isnegmiḍ s tmella-s win ira ,
u ḷḷah d bu ulammun azeεluk
106.Ayen
nessar seg waylan neɣ nesettu-t, ad d-nawi win i t-yifen neɣ amzun-is, ur teẓriḍ
ara d akken ḷḷah ɣef kra yellan d uzmir
107.Ur teẓriḍ
ara akken ḷḷah ɣur-s tagelda n igenwan d tmurt!? U ur ɣur-wen ara zenifet ḷḷah
kra n turfa neɣ umnil
108.Neɣ trim
ad tesutrem amazan-nwen akken i ttwasuter musa yakan u win ara yesmseklen
taflest s terneflest atan yeffeɣ i webrid yuɣden
109.Ran aṭas
n wat wedlis amer ad ken-rren s deffir n teflest-nwen d irnaflasen d tismin seg
iman-nsen, seld mi sen-d-tefra tidett, εfum, ssurfem alama yefka-yawen-d ḷḷah
tannaṭ-is. Ḷḷah ɣef kra yellan d uzmir
110.Beddem ɣer
taẓallit, fkem takuti n zzakat imi kra n walluɣ ara ad t-tezwirem i yiman-nwen
ad tafem-t ɣur ḷḷah, atan ḷḷah s wayen teskarem d amaẓray
111.Nnan ur
ikeččem amradan anagar win yellan d uday neɣ d aṛumi (aneṣrani), widak d
ariden-nsen, ini: “ awim-d asersur-nwen ma tellim d imuɣuẓanen”
112.Hima, win
yeẓegẓen udem-is i ḷḷah u netta d imiẓil, ihi ɣur-s tarrazt-is ɣur bab-is, ur
telli fell-asen tugdi u nutni ur ttnuɣnin ara
113.Nnan
wudayen: ur llin iṛumeyen ɣef kra u nnan iṛumeyen (ineṣranyen): ur llin wudayen
ɣef kra ɣas akken nutni qaren adlis, am awal-nsen daɣen i d-nnan wid ur nessin.
D ḷḷah ara tt-yefrun ger-asen ass n ubeddi deg wayen llan ttemgaraden
114.Anwa i d
aruɣdim yugaren win igedlen timezgidiwin n ḷḷah ad d-yettwabder deg-sent useɣ-is,
yuta amek ad tent-isseɣli, widak ur d-iwwi ara ad-tent-kecmen anagar s tugdi, ɣur-sen
di tedduyt akacaf u ɣur-sen di tneggarut tafgurt d tazeεlukt
115.I ḷḷah
asammar d umalu, anda terrim dinn-a i d udem n ḷḷah. Atan ḷḷah d imiriw d
amusnaw
116.U nnan:
isker ḷḷah aqcic, tamanegt i netta! Ɣend ɣur-s ayen yellan deg igenwan d tmurt,
akken ma llan zzugẓen-as
117.Win i d-iɣudan
igenwan d tmurt, ma irad kra n tɣawsa, ad as-yini ili dɣa ad tili
118.Nnan wid
ur nessin ara : « amer ad yemeslay ḷḷah yid-neɣ neɣ a ɣ-d-yas uzmul «, akka i
d-nnan wid yellan send-nsen, merwasen wulawen-nsen, yak nefra-d izmulen i
wegdud i yttelkanen
119.Aqlaɣ
nceyyeε-ik-id s tidett d amenzi u d amssenkad, u ur tettwattṛeḍ ara ɣef wat n
uhas
120.Ur
ddeggun yis-k wudayen wala iṛumeyen alamma tḍefreḍ ajjed-nsen, ini : d tawelha
n ḷḷah d tin i d tawelha, ma yella tḍefreḍ ubuḍen-nsen s deffir n wayen i
k-d-iwsan d tusna, atan ur ɣur-k ara ɣur ḷḷah kra n turfa neɣ umnil
121.Wid i
wumi d-nefka adlis qqaren-t taɣuri n tidett, widak felsen yis, ma d win ara
yneblen yis : widak d nutni i d imukal
122.A tarwa n
isṛayil mmektim-d tinufa-w i ken-snnufaɣ, u nekkini smenyafeɣ-ken ɣef imaɣraden
123.Kṣuḍem
ass anda yiwen ur isgawan wayeḍ deg acemma, ur yettwaṭṭaf seg-s tiɣmi, ur
t-ineffu ara alaɣad, ur ttusrennawen ara
124.Mi i
gestitti agellid ibṛahim s kra n wawalen dɣa iṣawḍ-itent, yenna-as: aqli rriɣ-k
d amezwar (limam) i yemdanen, yenna: u i tarwa-w? Yenna: ur ttawwin ara akfawel-iw
iruɣdimen
125.Mi nerra
axxam d asaɣul d taɣellist i yemdanen, errem asebdad n bṛahim d asammad, nenna
i bṛahim d smaεil ad sizdegen axxam-iw i wid i s-d-ittezzin d imzugen d imḥunnar
d imanazen
126.Mi yenna
bṛahim: a bab-iw err t-a d tamurt n telwit, kbel imezdaɣ-is s igumma wid
ifelsen seg-sen s ḷḷah d wass aneggaru, yenna: ma d wid ineblen a t-zzugẓeɣ kra
kan sinakin a t-ẓẓuɣreɣ ɣer unulf n tmest, d yir tagara
127.Mi
gessalay ibṛahim tirsal seg wexxam, d ismaεil: a bab-nneɣ ṭṭef seg-neɣ d kečč i
d amislay i d amiẓray
128.A bab-nneɣ
err-aɣ d imanazen-ik, u seg tarwa-nneɣ d taggayt d tamanazt-ik, u sken-aɣ-d
isekkiren-nneɣ, suref-aɣ d kečč i d amsuref i d amnahaɣ
129.A bab-nneɣ
ceyyeε-asen-d amazan seg-sen, ad yeqqar fell-asen aylanen-ik, ad sen-yesselmed
adlis d tmusni, u ad ten-yessizdeg, d kečč i d aneddabu i d amusnaw
130.Anwa ara
as-yanfen i webrid n ibṛahim anagar win yesbuhlen iman-is, yak nefren-it-id di
tedduyt, netta di tneggarut seg imelha
131.Mi
s-yenna bab-is: anez, yenna: unzeɣ i bab n imaɣraden
132.Ismagel
yis ibṛahim arraw-is ak d yaεqub: a tarwa, ḷḷah yefren-awen-d ajjed, ihi ɣur-kum
ad ken-id-taweḍ tmettan kunwi mačči d inselmen
133.Neɣ
tellim d inagan mi d-tewweḍ yaεqub tmettan, mi yenna i warraw-is: d acu ara
tmudem deffir-iw? Nnan: ad nmud illew-ik d illew n ibabaten-ik: ibṛahim d ismaεil
d isḥaq yiwen illew, nekni nunez-as
134.Tinna d
tagruma yezrin, ayen i d-tellumeẓ yines, ayen i d-tellumeẓem kunwi nwen, ur
tettusteqsayem ara ɣef wayen llan skuren
135.Nnan:
ilim d udayen neɣ d iṛumeyen (ineṣraniyen) ad tettuwelhem, ini ɣend d ajjed n
ibṛahim d amaɣud ur yelli seg yemttikeyen
136.Ini-m
nefles s ḷḷah d wayen i ɣ-d-ttussersen d wayen i d-ttussersen i ibṛahim d ismaεil
d isṣaq d yaεqub d wayyawen d wayen yettunefken i musa d εisa d wayen i d-yefka
bab i imazzanen-is, ur nbeṭṭu ara ger yiwen deg-sen, nekni i netta d imunaz
137.Ma yella
felsen s umzun n wayen i si tfelsem atenan ttuwelhen, ma bernen-d s uεrur
atenan deg tnemmzrayt, ad ken-igdez ḷḷah. D netta d amislay d amusnaw
138.Tubɣa n ḷḷah,
anwa i yifen ḷḷah deg tubɣa? Nekni nettmudu-t
139.Ini: amek
ad temɣananem yid-neɣ ɣef ḷḷah u netta d bab-nneɣ u d bab-nwen, i nekni
tigawin-neɣ u i kunwi tigawin-nwen, nekni i netta d imaglayen
140.Neɣ
teqqarem-d d akken ibṛahim d isḥaq d yaεqub d iyyawen llan d udayen neɣ d iṛumeyen
(ineṣraneyen), ini d kunwi i yeẓran neɣ d ḷḷah, anwa i d aruɣdim yugaren win
yefren ɣur-s tanaga n ḷḷah, u ḷḷah ur yelli d awnil ɣef wayen teskurem
141.Tinna d
tagruma yezrin, ayen i d-tellumeẓ yines, ayen i d-tellumeẓem kunwi nwen, ur
tettusteqsayem ara ɣef wayen llan skuren
142.Atan ad
d-inin ungifen seg imdanen: d acu i ten-isbernen ɣef temnitt-nsen i deg llan?
Ini i ḷḷah iminik d utaram, yettwellih win iran ɣer ubrid amaɣud
143.Akken daɣen
i ken-nuqem d tagruma talemmast i wakken ad tilim d inagan ɣef medden u ad yili
umazan fell-awen d inigi, ur neskir ara tamnitt-nni i deg telliḍ i wanagar kan
ad nẓerr win ara iḍefren amazan d win ara yuɣalen ɣer deffir, xas tella d taẓẓayant
anagar ɣef wid i gwelleh ḷḷah, u mačči d ḷḷah ad wen-iḍeggeren taflest-nwen.
Atan ḷḷah ɣef medden d anefcad d amnahaɣ
144.Yak neẓra
ammeḍren n udem-k s igenni, atan ad nerr udem-ik ɣer temnitt tin i triḍ, ihi
err udem-ik ɣer tmezgida tuɣrist, anda ma tellim rrem udmawen-nwen ɣer tama-s,
at n udlis ar ẓran d akken d tidett s ɣur bab-nsen, u ḷḷah mačči d awnil ɣef
wayen teskurem
145.Ɣas tewwiḍ-asen-d
i wid iwumi ittunefk udlis yal afakul ur ṭafaren ara tamnitt-ik, ula d kečč ur
teṭṭafareḍ ara tamnitt-nsen, ula d kra ger-asen ur yeṭṭafar tamnitt n kra n iḍen,
u amer tḍefreḍ irumsa-nsen seld mi i k-ttusa-d tusna, aqli-k ihi seg iruɣdimen
146.Wid i
wumi i nefka adlis snen-t am akken i snen arraw-nsen, atan aḥric deg-sen
ttefren tidet nitni ẓran
147.D tidet s
ɣur bab-ik, ihi ur ttili ara seg imirditen
148.I yal
yiwen tama anda yettarra udem-is ɣer ɣur-s, myezwarem ɣer walluɣen, anda tellim
ad a ken-id-yawi ḷḷah akken ma tellim. Ḷḷah ɣef kra yellan d uzmir
149.Ansi yebɣu
tefɣeḍ ezzi udem-ik ɣer lkaεba, ayenni d tidet sɣur bab-ik ḷḷah yettwali ayen
tettegem
150.S ansi
tefɣeḍ bren udem-ik ɣer tama n tmezgida tuɣrist, u anda ma tellim bernem
udmawen-nwen ɣer tama-s i wakken ur yettili ara i medden anza fell-awen, anagar
wid iẓedmen deg-sen, ihi ur ten-ttagadem ara agadem-iyi, akken ad semdeɣ
tanafut-iw fell-awen, ahat ad tettuwelhem
151.Akken
d-nuzen s ɣur-wen yiwen n umazzan deg-wen yeqqar-d fell-awen aylanen-nneɣ, isɣus-ikum,
u isselmad-awen adlis d tmusni, u isselmad-awen ayen tellim ur t-tessinem ara
152.Ihi
bedrem-iyi-d ad ken-d-bedreɣ, snemmerem-iyi ur neblem ara yis-i
153.A widak
ifelsen, sutrem tullin s tẓidert d tẓallit, atan ḷḷah yella d imẓidren
154.Ur qqarem
ara i wid yettwanɣen i tama n ḷḷah imirḍusen, ɣend d imuddiren maca ur tettḥulfum
ara
155.Ad-ken
narem s kra seg tugdi d laẓ d usedrus deg yedrimen d yimanen d igumma, seddwet
imẓidren
156.Wid ma
yella tuɣi-ten twaɣit ad d-inin: “nekni n ḷḷah u ɣer ɣur-s ara nuɣal”
157.Widak fell-asen
tiẓilla si bab-nsen d tmella, widak d wid yettuwelhen
158.Ṣṣafa d
lmaṛwa seg isekkiren n ḷḷah, ihi win i d-irzan ɣer uxxam neɣ irezf-d ɣur-s,
atan ulac fell-as aɣilif ad yawi ad yer ger-asen, win yernan kra n walluɣ s ɣur-s,
atan ḷḷah d amesnemmar d amusnaw
159.Wid
ittefren ayen i d-nessers seg inzaten d twelha seld mi t-id-nesken i medden deg
udlis, widak ad ten-nirbeḍ ḷḷah, ad ten-rebḍen wid irebḍen
160.Anagar
wid i gerran aḍar u qaεden rnan seknen-d, widak ad sen-ssurfeɣ, nek d ttuɣaleɣ
(s tmella) d amellay
161.Wid ur
neflis ara, u mmuten u nutni d irnaflasen, widak fell-asen tiwri n ḷḷah d
iniren d medden akken ma llan
162.D imaɣlalen
deg-s ur yettifsus fell-asen udgaẓ, u nutni ur ttwasigiren
163.U
illew-nwen d yiwen n illew, ulac illew anagar netta amellay amnahaɣ
164.Atan deg
teɣennawt n igenwan d tmurt d ummezlay yiḍ d wass d iɣerruba i gttazzalen deg
ill s wayen yellan d abaɣur i medden, d waman i d-isaɣli ḷḷah d aman seg igenni
dɣa yessider yis tamurt deffir n tmettant-is, izuzzer deg-s si kra n wayen
itteddun ɣef tmurt, d usirek n waḍu, d usigna yetteddun ger igenni d tmurt,
inzaten i wegdud igezzun
165.Seg
medden win yeskarayen zenifet n ḷḷah timizziwin i ḷḷah, ḥemlen-ten am leḥmala n
ḷḷah, u wid ifelsen ḥemlen ḷḷah ugar, u amer ad walin wid iẓedmen ass ma ara
d-walin tafeggurt, d akken tazmart i ḷḷah akken ma tella, u d akken ḷḷah d
ameqsuḥ udgeẓ-is
166.Mi ara
rewlen wid yettwaḍefren seg wid iḍefren, u ẓran tafgurt, u gezmen ger-asen
wassaɣen
167.U nnan
wid iḍefren: amer ɣur-neɣ ddula, dɣa ad nerwel fell-asen akken rewlen fell-aneɣ,
aken daɣen ara sen-d-isken ḷḷah tigawin-nsen d timugraẓ fell-asen, u nutni ur
llin wid ad d-yefɣen si tmest
168.A medden ččem
seg-wayen yellan di tmurt d anefrur yelhan, ur ṭṭafarem ara tirkiḍin n irin,
imi netta i kunwi d acengu ifran
169.Ittenbaḍ-iken
s ubekkaḍu d tuẓbilt u ad d-tinim ɣef ḷḷah ayen ur teẓrim
170.U ma
nnan-asen ḍfer-t ayen d-issers ḷḷah, ad d-inin: ɣend ad neḍfer ayen i d-nufa
fell-as imezwura-nneɣ, a ɣas ma llan imezwura-nsen ur gzin iqiḥ u ur ttuwelhen
ara
171.Amedya n
wid i neblen am win yettsuɣun s wayen ur yesall anagar asiwel d tiɣri, d iεeẓẓugen,
d igugamen, d iderɣalen, nutni ur gezzun ara
172.A widak
ifelsen ččem si tẓidanin i ken-d-nefka u snammerem i ḷḷah ma tellim d netta i
t-ttmuddum
173.I yegdel
fell-awen d amurḍus d idammen d uksum n ilef d wayen i ttummezlen i wayeḍ mačči
d ḷḷah, ma d win terra tmara ur yeẓdim ur iffiɣ i tillas, atan ulac abekkaḍ
fell-as, atan ḷḷah d amsuref d amnahaɣ
174.Wid i
ttefren ayen i d-issers ḷḷah seg wedlis, ttaɣen yis azal drus-it, widak ur
tetten deg iεebbaḍ-nsen anagar times, ur ittmeslay ara did-sen ḷḷah ass n
ubaddid, ur ten-issizdig ara u ɣur-sen adgaẓ qeriḥen
175.Widak d
wid yuɣen tufɣa ɣef webrid s twelha d tfegurt s usuref ay akken i ttẓidiren ɣef
tmes
176.Ayenni
acku ḷḷah issers-d adlis s tidet, wid yennaflen ɣef wedlis atnad deg xawsu
lqayen
177.Alluɣ mačči
ad terrem udemawen-nwen ɣer iminik neɣ ɣer utaram maca alluɣ win ifelsen s ḷḷah
d wass aneggaru, d iniren, d wedlis d imazanen, ttaken adrim ɣas akken ḥemlen-t:
i wid sen-ittilin, i igujilen, d imeɣban, d imsebriden d imattaren, deg tmegraḍ,
ibedd ɣer tẓallit , ifka takuti n zzakat. D wid ittaṭṭafen deg wawal-nsen ma
fkan-d awal, d imẓidren di talit n uzlaḍ d waṭṭan u ass ma yeḥmu umennuɣ. Widak
d wid i ɣuzan, d widak i d imeksaḍ
178.A wid
ifelsen yettwaru fella-wen iɣa deg wid yettwanɣan, ilelli s ilelli u akli s
wakli u tawtemt s tewtemt, ma d win i wumi yessuref gma-s kra, ihi aṭfar s
wawal aẓiḍan, d tazzilt s tawlalt, ayenni d asifses sɣur bab-nwen d tmella, ma
d win yudan deffir wayen-nni, atan ɣur-s adgaẓ qerriḥen
179.Ɣur-wen
deg iɣa tudert a yat uneli, ahat ad tukṣaḍem
180.Yettwaru
fella-wen, ma tusa-d tmettant ar yiwen deg-wen, ma yeğğa-d kra n wayla, amatur
i imarawen-is d wid i s-ittilin s tin yelhan, d azref ɣef imekṣaḍ
181.Ma d win
i t-ismmesklen seld mi s-yesla, atan abekkaḍ-is ɣef wid i t-ismmesklen ḷḷah d
amislay d amusnaw
182.Ma d win
yugaden azgal neɣ abekkaḍ seg umesseɣlif, dɣa izzemẓel ger-asen, atan ulac kra
n ubekkaḍ fell-as, ḷḷah d amsuref d amnahaɣ
183.A wid
ifelsen, yettwaru fella-wen uẓummu akken yettwaru ɣef wid yellan send-nwen ahat
ad tekṣuḍem
184.Mennaw n
wussan ma d win yellan d amuḍin neɣ deg inig ihi uyyuḍ n wussan nniḍen, ɣef wid
i s-izemren tiɣmi n usečči n ugellil, ma d win i d-yernan s ɣur-s kra n lεali,
atan d lεali-yas-t i netta, u ad tẓumem yif-awen amer teẓrim
185.Agur n remḍan
win i d-ittusers deg-s leqṛan d awelleh i medden, d tumanin n uwelleh d unawel,
ihi win iwalan agur ad t-iẓum. Ma d win yellan d amuḍin neɣ deg inig, uyyuḍ n
wussan nniḍen, ira ḷḷah seg-wen tiffust ur ira ara seg-wen
tinimirt u i wakken ad tsemdem uyyuḍ, akken ad tesmeɣrem ḷḷah ɣef ayen i
ken-iwelleh, u ahat ad t-snemrem
186.Ma
seqsan-k-id imdanen-iw fell-i aqlin d amazaẓ ttarraɣ-d i tittert n umattar ma
issuter-iyi-d ihi ad yi-d-rren awal u ad felsen yis-i ahat ad afen abrid
187.Ittwazrey-awen
deg iḍ nuẓum asful ɣer tlawin-nwen nutenti d timelsit-nwen u kunwi d
timelsit-nsent yeẓṛa ḷḷah d akken tesseklellayem iman-nwen dɣa yuɣal-d
fell-awen s tmella, u yessuref-awen, ihi tura nnulem-tent u nadim ayen i
wen-yura ḷḷah, ččem teswem alama innunnet-awen-d ifiru amellal seg ifiru
aberkan si tafrara sakin ṣawḍem uẓum alama d yiḍ u ur tent-ttnnulum ara u kunwi
d imzawgen di tmezgida, tidak d tilisa n ḷḷah, ihi ur ttaẓem ara ɣur-sent,
akken daɣen i d-iskan ḷḷah timitar-is i medden ahat ad kṣuḍen
188.Ur tettem
ara idrimen-nwen gar-awen s ubennan u ur ten-ttemmalem ara ɣer imezzurfa i
wakken ad teččem idrimen n kra medden s ubekkaḍ u kunwi teẓrim
189.Ad
k-id-seqsayen ɣef waguren ini d izimizen i medden d unzal (lḥiğ). Aḥeddu mačči
ad tasem ɣer ixxamen-nwen s deffir-nsen maca aḥeddu d win yukṣaḍen. Asem-d ɣer
ixxamen-nwen si tiwura-nsen, kṣuḍem ḷḷah ahat ad tɣeltem
190.Nnaɣem
deg tama n ḷḷah wid i ken-ittnaɣen u ur ttekkem ara akin i tlisa imi ḷḷah ur iḥemmel
ara wid i gttekken akin i tlisa
191.Nnaɣem-ten
anida i ten-tufim, sufɣem-ten s ansa i ken-sufɣen, tilla tugar timenɣiwt, ur
ten-ttnaɣem ara ɣer tmezgida tuɣrist alama nnuɣen-ken deg-s, ma nnuɣen-ken nɣem-ten,
d win i d arraz n irnaflasen
192.Ma yella
fuken, ḷḷah d amsuref d amnahaɣ
193.Nnaɣem-ten
i wakken ur ttili ara tilla, u ad yili ajjed i ḷḷah, ma yella fuken ur yettili
umennuɣ anagar ɣef iruɣdimen
194.Agur
amuggi s wagur amuggi, u timugga d aɣa, ma d win i kun-d-iwwḍen ihi awwḍem-t
akken i kun-d-iwweḍ, kṣuḍem ḷḷah, u ẓrem d akken ḷḷah atan ɣer tama imakṣaḍen
195.Sufɣem
deg ubrid n ḷḷah ur ggarem ara ifassen-nwen ɣer twaɣit, u sɣudam imi ḷḷah iḥemel
imuzzuten
196.Fakem
anzal d trezzift i ḷḷah, ma yella tḥeṣlem ihi ayen i fessusen seg isflan, ur
ttseṭṭilem ara ixfawen-nwen alama yewweḍ usfel s amdiq-is.win yellan seg-wen d
amuḍin neɣ yesεa takemmawt deg ixf-is, ihi tiɣmi n uẓum neɣ n tkuti neɣ n
idammen. Ma yella ters-d fell-awen telwit, ma d win yugẓen s trezzift alama d
unzal ihi ayen i fessusen seg isflan, ma d win ur nufa ara , ihi aẓumu n kṛad n
wussan def unzal akd d ssa ma d-tuɣalem, d widak i d mṛaw s timmad , annecten i
win ur telli ara tawacult-is d imezdaɣ deg tmezgida tuɣrist. Aggadem ḷḷah, ẓrem
d akken ḷḷah qessiḥ deg udgaẓ
197.Anzal d
aguren yettwasnen, win igemnen ad d-irzu deg-sen, ihi ulac asful ulac tufɣa
ulac taɣennant deg unzal, kra n walluɣ ara tsekrem yeẓra-t ḷḷah, u ağwem , tağğawt
yufraren akk d tukṣḍa, kṣuḍem-iyi a yat n allaɣen
198.Ulac
fellawen uɣilif ma tnudam kra n umennut seg bab-nwen, ma tefɣem seg εaṛafa
bedrem ḷḷah di tmatart tuɣrist u bedrem-tt akken i ken-iwelleh ɣas tellim send-is
seg imickiyen
199.Sin akin
ddehmem s ansi i d-ddahmen medden, u sutrem asurif
di ḷḷah imi ḷḷah d amsuref d amnahaɣ
200.Ma
tessulim isekkiren-nwen ihi aderem-d ḷḷah am akken i ttaderem-d imawlan-nwen neɣ
ugar. Llan seg medden wid yeqqaṛen: a bab-nneɣ fk-aɣ-d di tedduyt, dɣa ur sεi
ara di tneggarut kra n umur
201.Llan
seg-sen wid yeqaṛen: a bab-nneɣ fk-aɣ-d talluɣt di tedduyt, u di tneggarut
talluɣt, arey-aɣ i udgaẓ n tmes
202.Widak-nni
ɣur-sen amur seg wayen i d-ḥeṛṛen, ḷḷah d uzrib deg ulatem
203.Adrem-d ḷḷah
deg mennaw n wussan, ma yella win iɣeṣben di sin n wussan atan ulac fell-as
abekkaḍ, win yegran ulac fell-as abekkaḍ, i win i kṣuḍen. Ihi kṣuḍem ḷḷah, ẓrem
d akken ar ɣur-s ara ttwagerwem
204.Llan seg
medden win ad k-iffeḥfeḥ wawal-is di tudert n tedduyt, yerra allak d inigi ɣef
ayen yellan deg wul-is u netta d amaksan ameqṛan
205.Ma
yebren-d s uεrur ad ittazzal di tmurt i wakken ad isettwiɣ u ad isenger tayerza
d tarwa, ḷḷah ur iḥemel ara asettwiɣ
206.Ma yella
yettuyenna-as kṣuḍ ḷḷah a t-yawi zzux s ubekkaḍ, icaṭ-as kan times, d yir ussu.
207.Llan seg
medden wid izenzen iman-nsen ttnadin adgi n ḷḷah, u ḷḷah d anefcad s imdanen.
208.A widak i
felsen, kecmem di telwit d tirni ur ṭṭafarem ara tiṛekkiḍin n irinen imi netta
d acengu-nwen yumanen
209.Ma yella
tecḍem seld mi ken-d-usan isersuren, zṛem akken ḷḷah d amassarhi d amasnag
210.Is
ttggunin anagar a sen-d-yas ḷḷah di tili n usigna d iniren, u tefra tfuk, ɣer ḷḷah
ara a d-uɣalent meṛṛa temsal
211.Cahi at
israyil acḥal d timkerriwin tumanin i sen-d-nefka, win ara ismmesklen tanafut n
ḷḷah s deffir mi s-d-tusa, ihi ḷḷah d aḥercac deg umuttel-is
212.Tettucebbeḥ
i wid ineblen tudert n tedduyt u sbeεkiken ɣef wid ifelsen, ma d wid yekṣuḍen s
nnig-sen ass n ubaddid, ḷḷah yetturag i win ira war asiḍen
213.Llan
medden d yiwen n taggayt sin akin yuzen-d ḷḷah asaren d imellaɣen u d imcaɣliyen,
yessers-d yid-sen adlis s tidett i wakken ad yefru ger medden deg ayen mgaraden
fell-as, ur mgaraden fell-as anagar wid i wumi yettunefk seld imi sen-d-usan
ifukal, d taẓḍemt gar-asen dɣa iwelleh ḷḷah wid ifelsen deg ayen mgaraden ɣer
tidett s turagt-is , ḷḷah yettwellih win ira ɣer webrid yuɣḍen
214.Neɣ tɣilem
ad tkecmem tamsunt wammag ur ken-d-iwsi ara wayen i d-iwsan ar wid i
ken-d-izwaren? Tečča-ten tigullelt d tkerẓi u ttwahuccen alami yenna umazan d
wid ifelsen yid-s: melmi i d tarnawt n ḷḷah? Ihi tarnawt n ḷḷah d tamyaẓt
215.Ttcahin-k-id
acu ara ad fken, ini ayen i tefkim seg wayen yelhan i
yemarawen-nwen, i wid ken-ittilin d igujilen d imeɣban d umsebrid. Kra ad
tesskrem d alluɣ atan ḷḷah yeẓra-t
216.Yettwaru
fell-awen umennuɣ u netta ẓẓag fell-awen. Ahhat ad teɣuccem kra netta d lεali-awen-t
, u ahhat ad tḥemlem kra netta diri-awen-t, ḷḷah yeẓra kunwi ur teẓrim ara
217.Ttcahin-k-id
ɣef waggur ugdil amennuɣ deg-s, ini amenuɣ deg-s d ameqṛan d ussefṛeɣ ɣef ubrid
n ḷḷah d trneflest yis d tmazgida tugdilt, d ussufeɣ n imezdaɣ-is seg-s meqqer ɣur
ḷḷah. U tilla tugar timenɣiwt, ad d-zgen a ken-ttnaɣen alama sufɣen-ken ɣef
ajjed-nwen ma zemren, win ara yefɣen seg-wen ɣef ajjed-is,u ad immet u netta d
arnaflas ihi widak msan igiten-nsen di tedduyt u di tneggarut, u widak d at
times nutni degs d imaɣlalen
218.Atan wid
ifelsen d wid yunagen, nnuɣen deg ubrid n ḷḷah, widak ssaramen tamella n ḷḷah, ḷḷah
d amsuref d amnahaɣ
219.Ttcahin-k-id
ɣef aman n waḍil d uṭawel, ini deg-sen abekkaḍ d ameqqran d ibuɣaṛ i medden, u
abekkaḍ-nsen yugar ibuɣaṛ-nsen. U a k-d-ttcahin acu ara ad ssufɣen, ini-asen:
ayen fessusen, akka i wen-d-iskan ḷḷah ifukal ahat ad ttxemmem
220.Di
tedduyt d tneggarut, a k-d-ttcahin ɣef igujilen, ini awenneε-sen yelha, ma
yella tedduklem yid-sen atan d atmaten-nwen, ḷḷah yeẓṛa imjeggaḥ d umwennaε,
amer ira ḷḷah tili imerret-iken, ḷḷah d amassarhi d amusnaw
221.Ur ttaɣem
ara timesdukliyin alamma felsent, taklit tanaflast tif tamesdukelt xas teffeḥfeḥ-iken,
ur ttakem ara tullawin-nwen i imesduklen alamma felsen, akli anaflas yif
amesdukel xas ma yeffeḥfeḥ-iken, widak-nni ssawalen ɣer tmes u ḷḷah yessawal ɣer
temsunt d usuref s turagt-is, u yeskan-d isekniyen-is i medden ahat ad
d-mmektin
222.A
k-d-ttcahin ɣef tarda , ini : d ayen n diri, ihi anfem i tllawin di tallit n
tarda, ur tent-ttaẓem ara anagar ma zeddigit, mi sazedgent asem-asent-id s ansi
i ken-id-yessuneḍ ḷḷah, ḷḷah iḥemmel wid yettuɣalen s abrid, iḥemmel wid
yessizdigen
223.Tilawin-nwen
d tayerza-nwen, ihi asem-d tayerza-nwen akken trim, sezwirem i yiman-nwen, tekṣuḍem
ḷḷah, teḥṣum d akken aqli-ken ad temmagrem-t-id, sedwet inaflasen
224.Ur
ttarram ara ḷḷah d amggani i tagalliyin-nwen i wakken ad tεellem ayen yelhan, u
ad teksuḍem, ad tefrum ger medden, ḷḷah d amislay d amiẓray.
225.Ur
ken-ittqasas ara ḷḷah ɣef tgalliyin i ken-d-iɣlin, maca ad ken-iqas ɣef ayen i
d-ifɣen seg ulawen-nwen, ḷḷah d amsuref d anemmaẓẓu.
226.I widak
iggulen f tlawin-nsen taganit n ukuẓ n waguren, u ma yella uɣalen ihi atan ḷḷah
d amsuref d amnahaɣ
227.Ma gezmen
awal ɣef berru ihi atan ḷḷah d amislay d amusnaw
228.Tid
yennebran ad gunint s iman-nsent krad n tardiwin, ur sent-isureg ara ad ffrent
ayen yessker ḷḷah deg isirwan-nsent ma llant felsent s ḷḷah d wass anegaru,
irgazen-nsent i gezwren ma yella ran ad tent-rren deg annecten-i ma ran tifrat,
ɣuṛ-sent amzun ayen yellan fell-asent s wayen yelhan u i yergazen fell-asent
taseddart u ḷḷah d amassarhi d amasnag.
229.Berru
snat n tikkal, ttuṭṭfa s umwati neɣ berru s tizilt ur wen-isureg ara ad tawim
seg ayen i sent-tefkim acemma anagar ma ugaden ur ssebdaden ara tilisa n ḷḷah,
ma tugadem ur ssebdaden ara tilisa n ḷḷah, ihi ulac fell-asen uɣilif deg ayen i
d-tessukkes iman-is seg-s, tidak d tilisa n ḷḷah ihi ur tent-zegrem ara win
izegren tilisa n ḷḷah widak i d iruɣdimen.
230.U ma
yella yebra-i-as ihi ur s-tettili ara d tanefrurt alamma tuɣa argaz nniḍen ma
yella yebra-i-as-d ihi ulac fell-asen uɣilif ad myuɣalen ma ɣillen ad ssebdeden
tilisa n ḷḷah, tidak d tilisa n ḷḷah yesskan-itent i wegdud yeẓran
231.Ma tebrim
i tlawin ssin wwḍent azemz-nsent ihi ṭṭfem-tent s umwati neɣ ğğem-tent s umwati, ur tent-ttaṭṭafem s tnukmut i wakken ad tefɣem
i tlisa, u win ara yesskren ayenni atan iẓḍem iman-is ur ttarram ara aylanen n ḷḷah
d taḍsa. Mektim-d tanafut n ḷḷah fell-awen, d wayen i d-issers seg udlis d
tmusni akken ad ken-yesebges yis, kṣuḍem ḷḷah u ẓrem d akken ḷḷah s kra yellan
d amusnaw.
232.Ma tebrim
i tlawin ssin wwḍent azemz-nsent ihi, ur sent-ttgzzamem ara abrid ad aɣent
irgazen-nsent ma mwatan gar-asen s ufulki aya-gi yettusebges yis win yellan
deg-wen yefles s ḷḷah d wass aneggaru, d ayen i wen-iẓilen u zeddigen yak ḷḷah
yeẓra kunwi ur teẓrim ara.
233.Tiyemmatin
ad suṭṭḍent arraw-nsent sin iseggasen mden i win iran ad ismed usuṭṭeḍ u f
ubbabat asečči-nsent d uselsi-nnsent s ufulki ur yettusbabbay i yiman anagar
tazmart-is ur tettumarrat tyemmatt s mmis ur d ababat s mmis u ɣef imkkissi am
win-a daɣen ma ran tukksa n tutḍa s umtawi d umeslay gar-asen ulac fell-asen uɣilif
ma tram ad tefkem arraw-nwen ad d-ttwisuṭṭḍen ulac fell-awen uɣilif ma tefkim
tiɣraḍ akken iwata kṣuḍem ḷḷah u ẓrem d akken ḷḷah s kra tesskrem d amwali.
234.Wid ara
yemten seg-wen u ad d-ğğen tilawin-nsen, ad ggunint iman-n-sent ukuz n waguren
d mṛaw, ma wwḍent azemz-nsent ulac fell-awen uɣilif deg ayen ssekrent deg
iman-nsent s ufulki. Ḷḷah s wayen tesskarem d amassan
235.Ulac
fell-awen uɣilif deg ayen i tmeεnem deg tarrit n tlawin neɣ tefrem deg
ulawen-nwen yeẓra ḷḷah d akken a tent-id-bedrem, maca ur tent-ttṛeggimem ara s
tufra anagar ma tennim-asent awal yelhan. Ur tesmmummim ara takerrist n
tissulya alama yewweḍ ayen yuran ɣer taggara-as, ḥṣum d akken ḷḷah yeẓṛa ayen
yellan deg iman-nwen ihi aggadem-t, ḥṣum d akken ḷḷah d amsuref d anemmaẓẓu.
236.Ulac
fell-awen ma tebrim i tilawin-nwen send ad tent-nalem neɣ ur sent-tessufɣem ara
tufuɣt, zzugẓem-tent ɣef win isεan s tezmert-is, ɣef igellil s tezmert-is d
atfar ɣef imuzzuten
237.U ma
tebrim-asent send ad-tent nalem u tessufɣem-asent tufuɣt ihi azgen n wayen i
sent-tessufɣem, anagar ma yella surfent neɣ isuref win yeṭfen takerrist n
tissulya deg ufus-is, ad tsurfem yuẓen ak ɣer tuskaḍin, ur tettut ara tuluɣt
yellan gara-wen, atan ḷḷah ɣef ayen tesskarem d amwali
238.Smaglem ɣef
tẓilla d tẓallit talmast, beddem i ḷḷah d imezzigẓan
239.Ma yella
tugadem, ẓallem d imelḥayen neɣ imnayen, ma tefɣ-awen tugdi-nni ihi adrem-d ḷḷah
akken i wen-isselmed ayen ur tessinem ara
240.Wid
yemmuten seg-wen ğğan-d tilawin taɣlift i tlawin-nsen d tamazzalt n useggas wer
tufɣa, ma fɣent ulac fell-awen uɣilif deg wayen gant deg iman-nsent s ufulki ḷḷah
d amassarhi d amasnag.
241.I tid
yennebran tamazzalt s ufulki d atfar ɣef imaskaḍen
242.Akka daɣen,
yeskan-awen-d ḷḷah timitar-is i ahat ad tegzum
243.Ur twalaḍ
ara ɣer wid ifɣen seg ixamen-nsen d igima s tugdi n tmettant dɣa inna-yasen ḷḷah
mtem, sin akin issudr-iten-d. Ḷḷah d bu tulluɣt ɣef
medden maca tuget n medden ur senmaren ara.
244.Nnaɣem
deg ubrid n ḷḷah u ḥṣum d akken ḷḷah d amislay d amusnaw
245.Anwa akka
ara yreḍlen i ḷḷah arḍal yelhan ad as-t-isefti ḷḷah aṭṭas n tikal, ḷḷah ittaṭṭaf
u iteẓẓel u ɣer ɣur-s ara tuɣalem
246.Ur twalaḍ
ara ɣer iheggaren n tarwa n isṛayil s deffir n musa mi nnan i yiwen n
wasar-nsen: ceyyeε-aɣ-d agellid i wakken ad nennaɣ deg ubrid n ḷḷah,
yenna-asen: i mahat ur tettnaɣem ara ma yettwaru-d fell-awen umennuɣ, nnan-as:
d acu ara aɣ-iğğen ur nettnaɣ ara deg ubrid n ḷḷah u nekni nettwassufeɣ seg
yexxamen-nneɣ d tarwa-nneɣ. Asmi i yura fell-asen umennuɣ erran aḍar anagar kra
deg-sen, ḷḷah d amusnaw s iruɣdimen
247.Yenna-asen
wasar-nsen: ḷḷah iceyyeε-awen-d ṭalut d agellid, nnan-as: amek ara s-tili
tgelda fell-aneɣ, u d nekni i yezwaren s tgelda fella-s rnu ur s-ittunefk ara
tugett n wayla, yenna-asen: ḷḷah yefren-it-id fell-awen irna-i-as afud deg
tusna d tfeka, ḷḷah yettak tagelda-is i win ira, u ḷḷah d imiriw d amusnaw
248.Yenna-asen
wasar-nsen: afakul n tgelda-s awen-d-yas ufniq deg-s talwit s ɣuṛ bab-nwen d
usagar n wayen d-ğğnan at musa d at haṛun a t-d-abban iniren, deg annecten anza
i kunwi ma tellim d inaflasen
249.Mi yefel ṭalut
s iserdasen-is yenna-asen: ad ken-id-yarem ḷḷah s yiwen n wassif, win ara
yeswen seg-s atan ur yeli yid-i ma d win ur ten-ttaεraḍ ara atan yid-i anagar
win yugmen idikel s ufus-is, dɣa swan seg-s anagar kra deg-sen . Mi i t-yezger
netta d wid ifelsen yid-s nnan-as: ur nesεi tazmert ass-a i ğalut d
iserdasen-is, nnan widak yettɣilen d akken ad mmagren d ḷḷah:”acḥal n wegraw
idrusen i yernan agraw iccaḍen s turagt n ḷḷah, u ḷḷah yettili d yemzidren
250.Mi
s-d-flalin i ğalut d iserdasen-is nnan-as: a bab-nneɣ smired fell-aneɣ
tizidert, ṭṭef iḍarren-nneɣ, sernu-i-aɣ ɣef ugdud irnaflasen
251.Dɣa
rnan-ten s turagt n ḷḷah, yenɣa dawud ğalut, yefka-i-as ḷḷah tagelda d tmusni
yerna yesselmed-as seg ayen ira, amer ur yedeggir ara ḷḷah medden s wiyaḍ tili
ad tettwiɣ tmurt, maca ḷḷah d bab n tuluɣt ɣef imaɣraden.
252.Widak d
aylanen n ḷḷah neqqar-iten-d fell-ak s tidet, aql-ik seg imazanen
253.Imazzanen-nni
nesmenyef kra deg-sen ɣef wiyiḍ, deg-sen win i yemmeslay d ḷḷah, yessuli kra
deg-sen di tseddaṛin, nefka i εisa mmi-s n maryem timkerrwin, nesalell-it s
uneli-agerram, amer ira ḷḷah tili ur ttemyenɣan ara wid i d-yusan deffir-sen s
deffir mi sen-d-usant tmitar, maca mgaraden: deg-sen wid ifelsen, deg-sen wid
ur neflis ara, amer ira ḷḷah tili ur ttemyenɣan ara maca ḷḷah yesskar ayen ira.
254.A widan
ifelsen ssufɣem seg ayen i wen-d nefka skud ma yusa-d wass ulac deg-s aznuzu neɣ
timedukelt neɣ alaɣad, irnaflasen d nitni i d iruɣdimen.
255.Ḷḷah ur
yelli illew anagar netta d amuddir d amaḍkal, ur yettnudum ur yeggan, d ayla-s
kra yellan deg igenwan d tmurt, anwa ara ileɣden ɣur-s anagar s turagt-is, yeẓra
ayen yellan ger ifassen-nsen d wayen yellan deffir-sen, ur ttissinen kra seg tusna-s
anagar s wayen ira. Iṭṭef-d «lkursiy»-ines igenwan d tmurt ur
t-isfultuy ara useṣbiber fella-sen imi netta d afellay d azeεluk
256.Ur telli
tmara deg ajjed imi tefren timmugra ɣef tucḍa, win ineblen s uzaccal yefles s ḷḷah
atan yeṭṭef deg tneddict iṣṣneṣnen ur nfetti ara ḷḷah d amislay d amusnaw.
257.Ḷḷah d
turfa n wid ifelsen ad ten-yessufeɣ si tillas ɣer tafat, ma d wid ineblen, d
azaccal i d turfiwin-nnsen ssufuɣen-ten si tafat ɣer tillas widak d at times,
nutni deg-s d imaɣlalen
258.Ur twalaḍ
ara ɣer win yemɣanen d ibṛahim ɣef bab-is mi s-yefka ḷḷah tagelda, mi yenna ibṛahim
bab-iw d win yessidiren, u ineqqen, yenna nek ssidireɣ u neqqeɣ, yenna ibṛahim,
bab-iw ittawi-d iṭij seg usammer kečč aww-it-id seg umalu, dɣa ibbajjew win
ineblen u ḷḷah ur ittwillih ara agdud iruɣdimen
259.Neɣ am
winna yekkan ɣef taddart inegren, yenna amek ara d-yessider ḷḷah tagi s deffir
mi temmut? Dɣa yeɣɣa-t ḷḷah timiḍi n iseggasen ssin issekr-it-id, yenna acḥal
teqimeḍ? Inna qimeɣ yiwen wass neɣ ciṭuḥ n wass, yenna teqimeḍ timiḍi n iseggasen,
wali ɣer tuččit-ik d tissit-ik ur dewweṛ ara, twaliḍ s aɣyul-ik akken a k-nerr
d tamatart i medden, twaliḍ ɣer iɣsan amek ara ten-nessalin sin akin a
ten-neselsin s uksum, mi s-tefra yenna, ẓṛiɣ d akken ḷḷah ɣef kra yellan d
amanay
260.Mi yenna
ibṛahim a bab-iw mli-yi amek tessidireḍ wid yemmuten, yenna εni ur tefliseḍ ara
?, yenna hima, maca i wakken kan ad ires wul-iw, yenna-yas ddem ukuz n igḍaḍ
aww-iten-id-ɣur-k sinn-a err di yal tiɣilt aḥric seg-sen, sin akin siwel-asen
a-k-d-asen s tizli, ḥṣu d akken ḷḷah d amassarhi d amasnag
261.Amzun n
wid yessufuɣen idrimen-nsen deg ubrid n ḷḷah, am uεeqqa i d-yessemɣin sat n
tyedrin, di yal tiyedertt timiḍi n tεeqqayin, ḷḷah isseftay i win ira, ḷḷah d
imiriw d amusnaw
262.Wid
yessufuɣen idrimen-nsen deg ubrid n ḷḷah, sin akin ur seḍfaren ara ayen fkan
asektu neɣ yir awal, ɣur-sen tarrazt-nsen ɣer bab-nsen, ulac tugdi fell-asen ur
ttnuɣnayen ara
263.Awal aẓiḍan
d usuref yif takuta ara yeḍfer yir awal, ḷḷah d imegdi, d anemmaẓẓu.
264.A wid-an
ifelsen ur sbinninem ara tikutiwin-nwen s usektu d yir awal, am win ara yefken
idrimen-is i wudem n medden ur itteflas ara s ḷḷah d wass aneggaru, amzun-is am
udɣaɣ alegɣan fell-as akal, mi t-d-saɣ tezwawaṭ teğğa-t d aquran d azedgan, ur
zmiren i wacemma seg ayen sskaren, ḷḷah ur yettwellih ara agdud irnaflasen.
265.Amzun n
wid yessufuɣen idrimen-nsen ttnadin adgi n ḷḷah, d tuṭṭfa deg iman-nsen, am tebḥirt
di tewrirt, tessaɣ-itt tezwawaṭ dɣa tefka-d irw-is sin imuren, ma yella ur
d-tssiɣi-tt ara tezwawaṭ d talamut, ḷḷah ɣef ayen tesskarem d amwali
266.Ɛni yella
win iran deg-wen ad as-tili yiwet n tibḥirt n tezdayin d tẓurin tazzalen s
daw-as isaffen, isεa deg-s seg yal igumma, tessaɣ-it tewser, u ɣur-s tarwa d
ileqqaqen, tessaɣ-itt tbuciḍant deg-s times dɣa terɣa, akken daɣen i
awen-d-yeskan ḷḷah timitar ahat ad txemmem.
267.A wid
ifelsen ssufuɣem seg ufulki n wayen i d-ḥeṛṛem u seg ayen i wen d-nessufeɣ si
tmurt ur εennum ara ayen n diri seg-s ad tefkem, kunwi
yakan ur tettawim-t ara alama teqnem allen-nwen fell-as, ḥṣum d akken ḷḷah d
imegdi d amettuğaḍay.
268.Irin ittṛeggim-iken
s tgellelt u ittenbaḍ-iken ɣer tecmatt, ma d ḷḷah iṛeggem-awen asuref d yulaɣen
s ɣur-s u ḷḷah d imiriw d amusnaw
269.Yettak
tamusni i win ira, win i wumi tettunefk tmusni atan tettunefk-as tulluɣt
tabarart, ur d-ttmektayen anagar at n wallaɣ
270.Kra
tefkim d afka neɣ tḍawlem d aḍwal, ḷḷah yeẓra-t, iruɣdimen ur sεin imnilen
271.Ma
teskanem imerkiden-nwen yelha wakken, ma tefrem-ten, u a ten-tefkem i
yigellilen if-i-awen, ad ikkes fell-wen seg ibekkaḍ-nwen u ḷḷah s wayen
tesskarem d aɛebbaj
272.Ur telli
fell-ak tawelha-n-sen maca ḷḷah yettwellih win ira, ayen ak ara tefkem seg tuluɣt
atan i yiman-n-wen, ur tettakem anagar i wudem n ḷḷah, kra wayen ara tefkem d tuluɣt a wen-d-yuɣal
kunwi ur tettuẓḍamem ara
273.I
yegellilen wid ittwasuttlen i ubrid n ḷḷah ur zmiren ara ad inigen di tmurt,
win ur ten-nessin ad iɣil d imeṛkantiyen, seg tekrakkiṭṭ, ad ten-tesneḍ s
zigga-nnsen imi ur ssuturen ara medden s smaṭa. S kra n wayen ad tefkem d tuluɣt
atan ḷḷah yis d amusnaw
274.Wid
ittaken idrimen-nsen deg yiḍ d uzal, s tufra d s uḍayḍay, atan ɣur-sen
tarrazt-nsen ɣer bab-nsen; ulac fell-asen tugdi, ur ttnuɣnun ara
275.Wid
itetten titit ur d-ttnekkaren anagar am win yessegliliz iṛin s tmimunt aya imi
nnan tanzut am titit wamag ḷḷah izzrey tanzut u yegdel titit, ma d win i
s-ttusa taliya dɣa ifukk ihi d ayla-s ayen yezrin, taɣawsa-as ɣer ḷḷah; ma d
wid yuɣalen ihi d widak i d at tmes nitni deg-s d imaɣlalen
276.Ad
issenger ḷḷah titit u ad isnarni imerkiden ḷḷah ur iḥemmel ara win yellan d
arnaflas, d anabkaḍ.
277.Atan wid
iflesen ssekren imullaɣ, bedden ɣer tẓallit, ssufuɣen takuti, ɣur-sen
tarrazt-nsen ɣer bab-nsen, ur telli tugdi fell-asen u nutni ur ttnuɣnun ara
278.A wid
ifelsen kṣuḍem ḷḷah u ğğem ayen d-yegran si titit ma tellim d inaflasen
279.U ma ur
tesskarem ara aya, ssuslem s ṭṭrad s ɣur ḷḷah d umazan-is; ma terrim aḍar ihi ɣur-wen
ixfawen n uziri-wen ur teẓeḍmem ur tettwaẓḍamem
280.Win iɣef
teṣṛes tegnit, aṛğut ad tifsus fell-as u ma tefkam amerkidu yif-it i kunwi amer
teẓṛim
281.Kṣuḍem
ass i deg a tuɣalem ɣer ḷḷah, ssin ad tettwisseblel i yal iman ayen d-tḥeṛ, u
nutni ur ttwaẓḍamem
282.A wid
ifelsen ma yella temyerḍalem areṭṭal ɣer uzemz i ttwassnen, ihi arum-t, ad yaru
gar-awen yiwen umyaru s teɣdemt, ur yettagi ara umyaru ad yaru akken i
s-yesselmed ḷḷah. Ad yaru, u ad izubet win yellan fell-as areṭṭal, ad yekṣuḍ ḷḷah,
bab-is, ur ittekes seg-s acemma. Ma yella win yellan fell-as areṭṭal d abudali
neɣ lway neɣ ur yezmir ara ad izubet netta, ihi ad izubet ugensas-is s teɣdemt,
sbeddem sin n inagan seg irgazen-nwen, ma yella ur llan sin yergazen, ihi argaz
d snat n tlawin seg-wid i ken-igerẓen seg inagan, ma tecceḍ yiwet deg-sent ad
tt-id-tesmekti tayeḍ, ur ttagin ara inagan ma ttunecden. Ur εeggezem ara ad
tarum-t d ameẓyan neɣ d ameqran ɣer uzemz-is, anecten d uɣdim ɣer ḷḷah u yuɣed
i tnagit u d ayen ara ken-iğğen ur tetturdum ara, anagar ma yella d tanzut i
tefrim imiren gar-awen daɣetta ulac fell-awen uɣilif ma ur d-tettarum-t ara,
sbeddem inagan ma temzenzem. Ur i ttucewwal la amyaru wala unagi, ma yella
tesskarem ayenni d tufɣa deg-wen, ksuḍem ḷḷah a wen-isselmed ḷḷah u ḷḷah ɣef
kra yellan d amusnaw
283.Ma tellim
deg inig u ur tufim ara amyaru, ihi ṭṭfem tadgart u ma temmeflasem gar-awen ihi
ad yerr win i ttusɣelfen asarsay-is, ad yekṣuḍ ḷḷah bab-is. Ur teffrem ara
tanagit, win ara tt-yefren atan d anesbekkaḍ wul-is, ḷḷah s wayen tesskarem d
amusnaw
284.I ḷḷah
ayen yellan deg igenwan d wayen yellan di tmurt, ama tesseknem-d ayen yellan
deg iman-nwen neɣ ad tefrem-t ad ken-ilatem yis ḷḷah ad yesuref i win ira ad
ifger win ira. Ḷḷah ɣef kra yellan d amanay
285.Yefles
umazzan s wayen d-yersen fell-as si bab-is, d inaflasen, yal yiwen deg-sen
yefles s ḷḷah d iniren-is d idlisen-is d imazzanen-is: ur nbeṭṭu ara ger yiwen
seg imazanen-is. U nnan: nesla u nuɣa awal asaruf-ik a bab-nneɣ ar ɣur-k tuɣalin
286.Ḷḷah ur
issbabbay i yiman anagar tazmart-is, d ayla-s ayen i d-tessas yelha u fell-as
ayen i d-tessas diri-t ; a bab-nneɣ ur ɣ-tqasas ara ma nettu neɣ necceḍ , a
bab-nneɣ ur ttbibbi ara fell-aɣ taεkemt am akken i tebibbiḍ ɣef wid illan
send-nneɣ, a bab-nneɣ ur ɣ-ssbabbay ara ayen i wumi ur nezmir ara u sfeḍ
fell-aneɣ ibekkaḍen u suref-aɣ u sers-d fell-aneɣ tamella-k u srennewḍ-aɣ ɣef
ugdud n imnabalen