Leqran s tmaziɣt (Azwag_Elḥacṛ)
s useɣ n ḷḷeh amallay amnahaɣ
1 ismaneg i allah kra yellan deg igenwan d kra yellan di tmurt u netta d amassarhi d amasnag
2 d netta i yessufɣen widak ineblen seg at n udlis seg ixxamen-nsen ɣer uzwag amzwaru ur tɣillem ara ad ffɣen u ɣillen a ten-selken igudar-nsen si allah dɣa yuwsa-yasen-d allah s ansi ur ɣillen igra allah ajԑar deg ulawen-nsen ssettwaɣayen ixxamen-nsen s ifassen-nsen d ifassen n inaflasen ihi muqlem ay at inzi
3 amer ur yura ara allah fell-asen tuffɣa tili imerret-iten deg tedduyt u ɣur-sen deg tneggarut tafegert n tmes
4 annecten acku numren allah d umazan-is u winn-a i yettnamaren allah atan allah qessiḥ deg umerret
5 ayen i tgezmem d tazdayt neɣ teǧǧim-tt tbedd ɣef iqejmuṛen-is s turagt n allah u i wakken ad ibexxeṣ inefraɣ
6 ayen i d-yerra allah f umazan-is s ɣuṛ-nsen ur tessuzzlem fell-as la igmaren la ileɣman maca allah yekkat s imazanen-is win irad u allah ɣef kra yellan d uzmir
7 ayen i d-yerra allah f umazan-is s ɣur at tuddar atan i allah d umazan d alagen d igujilen d d iẓawaliyen d imsebriden i wakken ur yettili ara d tuzzya gar ifassen imerkantiyen seg-wen u ayen i wen-d-iwwi umazan ddemem-t ayen i wen-igdel ǧǧem-t u kṣuḍem allah acku allah qessiḥ deg uqasi
8 i iẓawaliyen iminigen widak i yettwassufɣen seg ixxamen-nsen d seg ayla-nsen ttḥufen tulluɣt s ɣur allah d udggi kkaten fell-allah d umazan-is widak-nni i d at n tidett
9 d widak i yezgan di tmurt d teflest send-nsen ḥemlen widak i d-yunagen ɣur-sen u ur ttḥulfun ara kra deg ulawen-nsen ɣef ayen i sen-ittunefken u smenyifen-ten ɣef iman-nsen ɣas ɣur-sen assar u win i yezdigen wul-is seg tiqemcect widak-nni i yegnunḥen
10 d widak i d-yusan s deffir-nsen qqaren: a bab-nneɣ suref-aɣ i nekni d watmaten-nneɣ widaki ɣ-izwaren s teflest u ur ttԑeddil ara deg ulawen-nneɣ akyaḍ ɣe f wid i yefelsen a bab-nneɣ yak kečči
d anefcad d amnahaɣ
11 wah! ur twalaḍ ara ɣer wid iḥezzezen qqaren i watmaten-nsen wid ineblen seg at n udlis amer a ttwissufɣem ar a neffeɣ yid-wen u fell-awen, ur nettaɣ awal i umma d yiwen u amer ad tettumenɣem a newwet fell-awen u allah ittnagi d akken nutni d at n tkerkas
12 ma yella ttwassufɣen ur tteffɣen yid-sen u ma yella ttwamenɣan ur tilin ara ɣer tama-nsen i wakken a s-nefken afus u amer bedden ɣer tama-nsen ad ṭṭfen tarewla sin akin yiwen ur ikkat fell-asen
13 tugdi seg-wen tugar tin n allah deg ulawen-nsen acku zgan d agdud ur ngezzu
14 ur ttnaɣen did-wen meṛṛa-nsen anagar ma llan deg ɣerman naɣ deffir iɣerban amerẓi gar-asen qessiḥ a ten-tɣileḍ dduklen wanag ulawen bḍan acku zgan d agdud ur nettxemmim
15 amzun n wid i ten-id-izwaren hah kan ččan tiyita ɣef ayen i d-sasen u ɣur-sen aḍgez qerriḥen
16 amzun n irin mi s-yenna i wemdan nbel mi yenbel inna: aql-in sardeɣ ifassen-iw deg-k nekki ttaggadeɣ allah bab imaɣraḍen
17 dɣa tella tagara-nsen d times deg sin did-sen d imaɣlalen deg-s u d winn-a i d tarrazt n iruɣdimen
18 a widak i ifelsen kṣuḍem allah u issefk ad iẓer iman d acu i isezwar i uzekka u kṣuḍem allah atan allah d amassan s wayen i tesskarem
19 ur ttilim ara am widak i yettun allah dɣa isettu-yasen iman-nsen u widak i d infraɣ
20 ur mmesmaden ara at tmes d at ulma at ulma d nutni i d ineddurf
21 amer nessers-d leqran-a ɣef wedrar tili teẓriḍ-t isteɣ si tugdi n allah u widak d imedyaten nekkat-iten-d i medden ahat ad xemmemen
22 d netta i d allah winn-a ulac illew anagar netta amusen n wedrug d tumant d netta d amallay d amnahaɣ
23 d netta i d allah winn-a ulac illew anagar netta d agellid d afuẓar d amafrak d asnneflay d uɣmir d amassarhi d amẓemlil d amzenger tumayt i allah ɣef ayen i ssazaren
24 d netta i d allah d amesnalfu d amsseɣnu d amsalɣu ɣur-s assaɣen fulkin sminigen-as kra yellan deg igenwan d kra yellan deg tmurt u d netta i d amassarhi d amasnag