Tella yiwet n tmeṭṭut tesɛa tamɣart, ɣef wakken theddeṛ feIl-as teslit-nni, tamɣart-nni teɣli-d tettebliliḥ, deg mi ara d-kkrent d amennuɣ.
Tekker tṛuḥ s amɣar azemni teslit-nni, tenna-yas :
- A baba amɣar azemni sɛiɣ tamɣart tewɛeṛ tura nekk yid-s yal ass d awal.
yekkr-d wemɣar azemni yenna-yas:
- A yelli, ṛuḥ ɣer teẓgi, a n-tafeḍ tizemt, awi-yi-d ayefki-ines, uɣal-d, a m-d-efkeɣ ddwa i wakken ur tettnaɣemt ara kemm d temɣart-im.
Tameddit, tuɣal s axxam-is, ar tettxemmim ansi ara tekk i-tizemt.
Teddem tezla aqelwac, teččuṛ taqecwalt n weksum d teflujt, teṭṭef abrid-is ɣer teẓgi mi tewweḍ, tesres taqecwalt n weksum tuɣal ɣer deffir teqqim-as-d i lmendad, almi d-ṛuḥ tizemt tečča aksum, tebren ɣer wansi i d-tusa, tameṭṭut tuɣal s axxam.
Azekka-nni daɣen, tewwi-d taqecwalt n weksum. tizemt tewwḍ-d, teɛna-tt, la tteţţ seg-s, tameṭṭut tesself-as i weɛrur-is, tizemt tezher tengugel yakk ddunnit, akken mi tfuk, teṭṭef abrid-is; tameṭṭut tewwi-d taqecwalt-is; teṭṭef abrid-is ula d nettat.
Àzekka-nni, daɣen akken, tesself-as i tuyat-is, tezzlemi-tt-id kan.
Sell-azekka-nni, teṭṭf-itt seg umeẓẓuɣ, tečča-tt-id kan s wallen, lḥaṣun akken almi ṣa n wussan tizemt la tteţţ, nettat teẓẓgi-tt-id teččuṛ-d taflujt, tṛuḥ-d ur tt-tečči wara. tewwḍ-d ɣer wemɣar azemni tewwi-yas-d ayefki, tenna-yas:
- A ta-n, a baba amɣar azemni ayefki i yi-tenniḍ wwiɣ-t-id!
- A yelli, amek i tgiḍ i tsedda armi d-wwiḍ ayefki ur kem-tečči !?
- Ṣa n wussan i snagareɣ almi i t-id-wwiɣ, leḥḥuɣ-as s ttawil, almi tuɣ yid-i tannumi, ẓẓgeɣ-tt-id, ur terfid la aḍaṛ la afus.
- A yelli, ma tewɛeṛ temɣart-im, tteţţ kan akken tifergas n tmess, ur teţţaweḍ ara am tizemt. ṛuḥ! lḥu-yas i temɣart-im am wakken i s-telḥiḍ s ttawil i tizemt, ddu-yas di lebɣi, ur tt-tnamar ara, ad teẓreḍ ma ur tgimt ara ddunnit a yelli iles aẓiḍan iteṭṭeḍ tasedda.
Tṛuḥ telha ɣer temɣart-is seg wass-n ur nnuɣent.
Tekker tṛuḥ s amɣar azemni teslit-nni, tenna-yas :
- A baba amɣar azemni sɛiɣ tamɣart tewɛeṛ tura nekk yid-s yal ass d awal.
yekkr-d wemɣar azemni yenna-yas:
- A yelli, ṛuḥ ɣer teẓgi, a n-tafeḍ tizemt, awi-yi-d ayefki-ines, uɣal-d, a m-d-efkeɣ ddwa i wakken ur tettnaɣemt ara kemm d temɣart-im.
Tameddit, tuɣal s axxam-is, ar tettxemmim ansi ara tekk i-tizemt.
Teddem tezla aqelwac, teččuṛ taqecwalt n weksum d teflujt, teṭṭef abrid-is ɣer teẓgi mi tewweḍ, tesres taqecwalt n weksum tuɣal ɣer deffir teqqim-as-d i lmendad, almi d-ṛuḥ tizemt tečča aksum, tebren ɣer wansi i d-tusa, tameṭṭut tuɣal s axxam.
Azekka-nni daɣen, tewwi-d taqecwalt n weksum. tizemt tewwḍ-d, teɛna-tt, la tteţţ seg-s, tameṭṭut tesself-as i weɛrur-is, tizemt tezher tengugel yakk ddunnit, akken mi tfuk, teṭṭef abrid-is; tameṭṭut tewwi-d taqecwalt-is; teṭṭef abrid-is ula d nettat.
Àzekka-nni, daɣen akken, tesself-as i tuyat-is, tezzlemi-tt-id kan.
Sell-azekka-nni, teṭṭf-itt seg umeẓẓuɣ, tečča-tt-id kan s wallen, lḥaṣun akken almi ṣa n wussan tizemt la tteţţ, nettat teẓẓgi-tt-id teččuṛ-d taflujt, tṛuḥ-d ur tt-tečči wara. tewwḍ-d ɣer wemɣar azemni tewwi-yas-d ayefki, tenna-yas:
- A ta-n, a baba amɣar azemni ayefki i yi-tenniḍ wwiɣ-t-id!
- A yelli, amek i tgiḍ i tsedda armi d-wwiḍ ayefki ur kem-tečči !?
- Ṣa n wussan i snagareɣ almi i t-id-wwiɣ, leḥḥuɣ-as s ttawil, almi tuɣ yid-i tannumi, ẓẓgeɣ-tt-id, ur terfid la aḍaṛ la afus.
- A yelli, ma tewɛeṛ temɣart-im, tteţţ kan akken tifergas n tmess, ur teţţaweḍ ara am tizemt. ṛuḥ! lḥu-yas i temɣart-im am wakken i s-telḥiḍ s ttawil i tizemt, ddu-yas di lebɣi, ur tt-tnamar ara, ad teẓreḍ ma ur tgimt ara ddunnit a yelli iles aẓiḍan iteṭṭeḍ tasedda.
Tṛuḥ telha ɣer temɣart-is seg wass-n ur nnuɣent.