Leqran s tmaziɣt (taha)

s  ussaɣ  n  ḷḷah  amellay  amnahaɣ

Ṭa  ha  (1)  Ur  d-nsers  ara  fell-ak  leqṛan  i  waken  ad  teggucreḍ  (2)  D  asmekti  kan  i  win  i  yettaggaden  (3)  D  asers  s  ɣur  win  i  d-yesnulfan  tamurt  (lqaԑa)  d  igenwan  ifellayen  (4)  Amellay  sufel  udabu  yuli  (5)  D  agla-s  ayen  yellan  deg  igenni  d  tmurt  d  gar-asen  d  wayen  yellan  ddaw  n  wakal  (6)  Ma  tuẓẓafeḍ  (tessulieḍ  taɣect-ik)  s  wawal  atan  yeẓra  uffir  (sser)  d  ulaɣas  (7)  Ḷḷah  ulac  illew  anagar-is  yesԑa  assaγen  (ismawen)  ifulkin  (8)    Tesliḍ  s  tullizt  n  musa!?  (9  )    Mi  i  yeẓra  times  yenna-yas  i  twacult-is  :  "qimem  da  aqlin  ẓriɣ-d  times  ahat  ad  awen-d-awwiɣ  asafu  neɣ  ad  affeɣ  ɣur  tmes  win  ad  aɣ-d-yeskenen  abrid"  (10)    Mi  i  yewweḍ  yettuluεa-yas-d:  "a  musa!"  (11) Nekk  d  bab-ik;  kkes  arkasen-ik!  aql-ik  deg  iɣẓer  uɣris  Ṭuwa  (12) Ferneɣ-k-id  ihi  sel  i  wayen  ara  k-d-iniɣ  (13) D  nekk  i  d  Ḷḷah  ulac  illew  anagar-iw  muddu-yi  u  blel  taẓalit  i  waken  a  yi-d-t-mektiḍ  u  a  yi-d-tbedreḍ  (14)    Tamert  tetteddu-d  druɣ  ffreɣ-tt  fell-i,  i  waken  ad  yettwirrez  (ad  yettwixelleṣ)  yal  yiwen  ɣef  wayen  yedda  (id-ijna)  (15)    Ɣur-k  a  k-yeẓẓeԑ  fell-as  win  ur  neflis  ara  seg-s  u  yeḍfer  aramsu-ines  ma  ulac  ad  ak-yawi  ɣer  yeɣẓeṛ  (16)    D  acu  win  deg  uyeffus-ik  a  musa?!  (17)    Yenna:  "  d  taṣɣart-iw  ttkennideɣ  fell-as,  u  ccaraweɣ  seg-s  i  wakraren-iw,  u  seqdaceɣ-tt  i  wayen  nniḍen"  (18)    Yenna:  "ḍegger-itt,  a  musa!"  (19)    Iḍeggr-itt,  tuɣal  d  azrem  yettḥrurub  (20)    Yenna:  ddm-itt  ur  ttaggad  ara  ad  t-nerr  akken  tella  (21)    ger  afus-ik  ddaw  iɣil-ik  ad  d-yeffeɣ  d  amelal  war  aṭṭan  d  tamatart  nniḍen  (22)    I  wakken  ad  ak-d-nesken  deg  tmitar-neɣ  timeqṛanin  (23)    Ddu  ɣer  ferԑun  a  ta-n  yeffeɣ  i  tlisa  (24)    Yenna:  a  bab-iw  sihrew-iyi  idmaren-iw  (25)    U  sifsus-iyi  awezlu-inu  (26)    U  fsi  takerrist  ɣef  yils-iw  (27)    I  wakken  ad  yefru  wawal-iw  (28)    Teskreḍ-iyi  aneɣlaf  deg  twacult-iw  (29)    Haṛun  gma  (30)    Ad  at-afeɣ  ɣer  tama-w  (31)    Ad  at-ttikkiɣ  deg  uwezlu-inu  (32)    I  wakken  a  k-d-nesmaneg  ḥawli  (33)    A  k-d-nebder  ḥawli  (34)    Yaxi  kečči  fell-aneɣ  d  amwali  (35)    Yenna:  atan  yettunefk-ak  ayen  tessutreḍ  a  musa  (36)    Aqlaɣ  nebud-ik  i  tikkelt  nniḍen  (37)  Mi  i  s-nesken  i  yemma-k  ayen  i  yettuskanen  (38)    Gr-it  deg  ufniq  ḍegr-it  deg  ill  a  t-iḍegger  ill  ɣer  uftas  a  t-yawi  ucengu-inu  d  ucengu-ines  sseɣliɣ-d  fell-ak  tayri  s  ɣur-i  i  wakken  ad  tegmuḍ  ddaw  n  tiṭ-iw  (39)    Mi  tetteddu  ulettma-k  teqqar  ma  awen-mleɣ  winn-a  ara  t-ideblen  ihi  nerra-k-id  i  yemma-k  i  wakken  ad  ires  wul-is  u  ur  tettnuzgum  ara  u  teɣɣiḍ  yiwen  nselk-k-id  deg  unezgum  u  nesker-ak  aṭas  n  terma  ssin  teqqimeḍ  deg  wat  medyan  ssin  akin  tusiṭ-d  deg  usihar  a  musa  (40)  u  ferneɣ-k-id  i  yiman-iw  (41)    Ddu  kečč  d  gma-k  s  tmitar-iw  u  ur  ttelmaḍem  ara  deg  ubdar-iw  (42)    Ddut  ɣer  ferԑun  atan  yeffeɣ  i  tlisa  (43)    inim-as  awal  aẓiḍan  ahat  ad  d-imekti  neɣ  ad  yaggad  (44)    nnan:  a  bab-nneɣ  nuggad  ad  izwir  ɣer  tmarrut  neɣ  ad  yeffeɣ  i  tlisa  (45)    Yenna:  ur  ttaggadem  ara  aqlin  yid-wen  ssaleɣ  ẓẓareɣ  (46)    Awwḍem  ɣur-s  tinim-as:  nekni  d  imazanen  n  bab-ik  ihi  cceyaԑ  did-neɣ  ayt  israyil  u  ur  ten-ttmerrit  ara  imi  newwi-ak-d  yiwen  n  unza  s  ɣur  bab-ik  u  talwit  ɣef  win  iḍefren  abrid  (47)    atan  yettumlaɣ-d  d  akken  tamara  ɣef  win  i  yeskreksen  yerna  yezzi-d  s  weԑrur  (48)    yenna:  d  anwi  i  d  bab-nwen  a  musa  (49)    yenna:  bab-nneɣ  d  win  i  yefkan  i  kra  yellan  talɣa-s  sin  akin  iwelh-it  (50)    Yenna:  d  acu  ar  ad  tiniḍ  ɣef  tsutwin  timezwura  (51)    Yenna:  tamusni-nsent  ɣur  bab-iw  deg  yiwen  n  wedlis  ur  yetteceḍ  bab-iw  ur  itettu  (52)    Winn-a  i  wen-yegan  tamurt  d  usu  u  isedda-yawen  deg-s  iberdan  u  iseɣli-d  deg  igenni  aman  yessufɣ-d  deg-s  tiyugwin  n  ḥawli  n  yemɣan  ččem  teksem  tawti-nwen  anect-n  d  timitar  i  wayt  unelli  (53)    seg-s  i  ken-d-nesnulfa  deg-s  ara  ken-nerrin  u  seg-s  a  ken-d-nessufeɣ  i  tikkelt  nniḍen  (54)    iwerna  nessekn-as  timitar-neɣ  akken  ma  llan-t  d  acu  yeskerkes  yerna  yegguma  (55)    yenna:  tusiṭ-d  i  wakken  a  ɣ-tessufɣeḍ  deg  tmurt-neɣ  s  iḥeckulen-ik  a  musa  (56)    Ihi  atan  a  k-d-nawwi  yiwen  uḥeckul  am  winn-a  ihi  efk-d  yiwen  usihar  ad  yilli  gar-aneɣ  ur  ten-zeggel  la  nekni  la  kečči  deg  umṭiq  i  yellan  d  luḍa  (57)    Yenna:  asihar-nwen  d  ass  n  tmeɣra  d  acu  ad  twazdin  medden  deg  uzal  (58)    Ibren  ferԑun  yesdukkl-d  tixidest  sin  akin  yusa-d  (59)    Yenna-yasen  musa:  ɣur-wen!  ur  d-ggarem  ara  ɣef  Ḷḷah  ayen  ur  nelli  a  ken-isenger  s  yiwet  n  tmara  atan  yukel  winn-a  i  d-yesnulfayen  tikerkas  (60)    Mnamaren  gar-asen  u  meslayen  s  tufra  (61)    Nnan:  sin-a  d  imhergiyen  ran  a  ken-ssufɣen  seg  tmurt-nwen  s  thergit-nsen  u  ad  glun  s  tikli-nwen  igerzen  (62)    Ihi  sdduklem  tixidest-nwen  sin  akin  asem-d  d  adras  u  atan  ilka  ass-a  win  i  yernan  (63)    Nnan  a  musa  ad  tṭegreḍ  neɣ  anili  nekni  i  d  imezwura  ar  ad  d-iḍegren  (64)    Yenna:  uhu  ḍegrem-d  kunwi  din  din  imurar-nsen  d  tesɣarin-nsen  ttkiden-t-as-d  s  thergi-nni  am  wakken  tteddun-t  ihi  iḥulfa  s  tugdi  deg  iman-is  musa  nenna:  ur  ttaggad  ara  d  kečč  i  d  amernay  u  ḍegger  ayen  yellan  deg  yeffus-ik  ad  tečč  ayen  i  d-ԑellen  ayen  ԑellen-d  tixidest  n  uhergi  kan  u  ur  yellak  ara  umhergi  anda  yella  (65)    Ɣlin  imhergiyen  d  imunaz  u  nnan:  nefles  s  bab  n  haṛun  d  musa  (66)    Yenna:  tzzeɣeznem  yis  seld  a  wen-ssuryeɣ  ihi  d  netta  i  d  ameqṛan-nwen  i  wen-yeslemden  tahergi  ihi  atan  ad  gezmeɣ  ifasen-nwen  d  iḍaren-nwen  s  ulmendad  u  a  ken-sentreɣ  deg  igejdan  n  tezdayin  ad  teẓrem  imiren  anwa  deg-neɣ  tamernut-is  tugar  u  d  tamenzugt  (67)    Nnan  ur  k-nesmenyaf  ara  ɣef  ayen  i  ɣ-d-yusan  seg  anzaten  akked  win  i  ɣ-d-yesnulfan  ihi  zzuref  ayen  ar  ad  tzzurfeḍ  acu  kan  ad  tezzurufeḍ  deg  tudert-a  kan  (68)    Aqlaɣ  nefles  s  bab-neɣ  i  waken  a  ɣ-yessuref  ibekaḍen-neɣ  d  wayen  i  ɣ-sdenkyeḍ  deg  thergi  u  Ḷḷah  i  yifen  u  d  amenzug  (69)    Winn-a  ad  yasen  ɣur  bab-is  d  anesbekkaḍ  atan  ɣur-s  ǧahennama  ur  yettemttat  deg-s  ur  yettedder  (70)    Ma  d  win  a  t-id-yasen  d  anaflas  u  netta  yesker  yakan  imulaɣ  ihi  wid-ak  ɣur-sen  tiseddarin  tifellayin  (71)    Almaten  n  tiɣimit  tamaɣlalt  ttazzalen  ddaw-as  isafen  d  imaɣlalen  deg-s  u  d  winn-a  i  d  amerkid  n  win  i  isazdgen  (72)    Yak  nenna  i  musa:  sufeɣ  imdanen-iw  deg  yiḍ  tuteṭ-asen  abrid  deg  illel  iqqur  ur  ttaggadeḍ  aḍfer  ur  ttaggadeḍ  ḥawli  (73)    Dɣa  iḍefr-iten-d  ferԑun  s  iserdasen-is  dɣa  iɣumm-iten  seg  illel  ayen  i  ten-iɣummen  (74)  Ireyyeԑ  ferԑun  agdud-is  ur  iwelleh  (75)    Ay  at  israyil  yaxi  nselk-ikum-d  deg  ucengu-nwen  u  nefka-yawen  asihar  ɣur  idis  ayeffus  n  ṭur  u  nesers-d  fell-awen  tammumt  d  tberdefelin  (76)    Ččem  deg  tufutin  i  wen-d-nureg  u  ur  ttefɣem  ara  i  tilas  ad  d-iɣli  fell-awen  urrif-iw  acku  win  ad  d-yeɣli  fell-as  urrif-iw  atan  issukel  (77)    nekki  d  amssaruf  i  win  i  gerran  aḍar  yefles  u  yesker  tuluɣt  sin  akin  yeqqel  ɣer  ubrid  (78)    D  acu  i  k-d-isazzlen  armi  ttusiḍ  send  ugdud-ik  a  musa  (79)    Yenna:  atnan  deffir-iw  tteddun-d  u  uzzleɣ-d  ɣer  ɣur-k  a  bab-iw  i  wakken  ad  tesgawneḍ  (80)    Yenna  nesker-asen  tirmit  i  wegdud-ik  sdeffir-k  u  atan  ireyԑ-iten  usamiri  (81)    Yuɣal  musa  ɣer  ugdud-is  yerfa  yennuzgem  yenna:  ay  agdud-iw  ur  ken-yeṛgim  ara  bab-nwen  yiwen  n  umiru  igerzen  naɣ  teɣzif  fell-awen  tallit  naɣ  trim  ad  d-yeɣli  fell-awen  urrif  s  ɣur  bab-nwen  dɣa  teǧǧim  asihar-iw  (82)    Nnan:  ur  neǧǧa  ara  asihar-ik  s  lebɣi-neɣ  imi  subban-aɣ-d  aẓaẓa  n  tinniɣt  n  wegdud-nni  dɣa  nḍeggr-yett  akken  daɣen  i  d-iḍegger  usamiri  (83)    Issufɣ-asen-d  agenduz  d  tafekka  ɣur-s  asmuhrey  nnan:  d  wa  i  d  illew-nwen  u  d  illew  n  musa  d  acu  kan  yettu  (84)    ԑni  ur  ẓran  ara  d  akken  ur  sen-d-yettara  ara  awal  u  ur  izmir  a  sen-d-yawi  tanfa  neɣ  ad  yekkes  fell-asen  takemmawt  (85)    Yenna-yasen  yakan  haṛun:  aya  agdud  temmug-awen  tirmit  fell-as  anaɣ  bab-nwen  d  amellay  ihi  ḍfert-iyi  taɣem  awal-iw  (86) Nnan  ur  nettekkar  ara  fell-as  alamma  yuɣal-d  ɣur-neɣ  musa  (87)    Yenna:  a  haṛun  d  acu  i  k-yeǧǧan  mi  ten-ṭeẓriḍ  fɣen  i  webrid  (88)    Ayi-ḍefreḍ  niɣ  terẓiḍ  awal-iw  (89)    Yenna:  a  mmi-s  n  yemma  ur  yi-tteṭṭaf  ara  deg  tamart-iw  naɣ  deg  ixf-iw  uggadeɣ  a  yi-ttiniḍ  tebṭiḍ  gar  at  israyil  u  ur  tbeddeḍ  ara  ɣer  wawal-iw  (90)    Yenna:  d  acu  i  k-iwwin  ɣef  anecten  a  yasamiri  (91)    Yenna  ẓriɣ  ayen  ur  ẓran  dɣa  ddmeɣ-d  takemmict  deg  udriz  n  umazan  dɣa  ḍeggreɣ-tt  u  akken  i  yi-d-yenna  uqerruy-iw  (92)    Yenna:  ddu  akin  atan  ɣur-k  deg  tudert  ad  tiniḍ:  ur  iyi-ttalsem  ara  u  ɣur-k  yiwen  usihar  werǧin  ad  tzegleṭ-t  u  ẓer  ɣer  illew-ik  win  i  teqqimeḍ  ɣur-s  tettmudduḍ  atan  a  t-nesreɣ  u  a  t-nezzuzer  deg  illel  d  azzuzer  (93)    Anaɣ  illew-nwen  d  Ḷḷah  win  ulac  illew  anagar-is  tamusni-ines  teṭṭf-d  kra  yellan  (94)    Akka  daɣen  i  k-nessawaḍ  isalen  n  wayen  izrin  u  yaxi  newwi-yak-d  s  ɣur-neɣ  yiwen  usmekti  (95)    Win  ar  as-d-ibernen  s  uԑrur  atan  ad  yabba  ass  ubeddi  aẓaẓa  (96) D  imaɣlalen  deg-s  u  yexxa-yasen  ass  ubeddi  uẓaẓa  (97)    Ass  ad  yettwasuḍ  deg  ucciw  u  ad  nessegdud  inesbekkaḍen  ass-nni  d  izegzawen  (98) Ad  stewtiwen  gar-asen  ur  teqqimem  anagar  mraw  (99) D  nekni  i  yeẓran  d  acu  i  d-qqaren  ma  ara  ad  d-yennin  uḥricen-nsen  ur  teqqimem  anagar  yiwen  n  wass  (100) A  k-sseqsayen  ɣef  idurar  ini:  a  ten-isenteg  bab-iw  u  a  ten-yerr  am  takka  (101) A  tt-yeǧǧ  d  ameskur  (102) Ur  teẓẓareḍ  deg-s  la  tiferɣi  la  tafutt  (103) Ass-nni  ad  ḍefren  win  i  d-yeɣran  ulac  ɣur-s  tezleg  u  udren  imesliyen  sdat  n  umellay  dɣa  ur  tessaleḍ  anagar  i  westewtew  (104) Ass-nni  ur  d-yettԑeddil  kra  ulaɣad  anagar  winn-a  i  s-ifka  turayt  amellay  u  yewɣa-yas  awal  (105) Iẓra  ayen  illan  gar  ifassen-nsen  d  wayen  illan  deffir-nsen  ur  s-ttezzin  ara  s  tmusni  (106) U  unzen  wudmawen  i  umuddir  amaḍkal  atan  yebbeytel  win  i  yubban  tinuraf  (107) Winn-a  ad  yeskaren  imulaɣ  u  netta  d  anaflas  atan  xas  ur  yettaggad  ara  tinuraf  naɣ  ad  yettwičč  azref-is  (108) Akka  i  t-id-nsers  d  leqṛan  s  taԑṛabt  u  nules-d  deg-s  tagezza  s  tugett  ahat  ad  kṣaḍen  naɣ  asen-d-yesker  asmekti  (109) Yittiy  Ḷḷah  agellid  adettan  ur  ɣeṣṣeb  ara  s  leqṛan  send  ad  ifak  umlan-is  tiniḍ-d  a  bab-iw  rnu-yi-d  tusna  (110) Neffula  ɣef  adam  yakan  yettu  ur  nufa  ara  ɣer  ɣur-s  amummi  (111) Asmi  i  s-nenna  i  yiniren  anzem  i  adam  dɣa  unzen  anagar  iblis  yegguma  (112) Dɣa  nenna-yas  i  adam  wagi  d  acengu  i  kečči  d  tmaṭṭut-ik  ɣur-wem  a  ken-d-yessufeɣ  deg  ulma  dɣa  ad  teggaceḍ  (113) Atan  ɣur-k  ur  tettlaẓaḍ  din  ur  tettezzafeḍ  (114) Daɣen  ur  tettfadaḍ  din  ur  k-yesruɣu  yiṭij  (115) yestewtw-as  irin  yenna  a  adem  isad  a  k-sekneɣ  aseklu  n  uɣlul  d  tgelda  ur  tnegger  ara  (116) Ččan  issin  deg-s  dɣa  flalin-asen-d  irisen-nsen  dɣa  kkren  senṭaḍen  ɣef  iman-nsen  iferawen  nulma  u  yerẓa  adem  awal  n  bab-is  dɣa  yeffeɣ  i  webrid  (117) Sin  akin  ifern-it-id  bab-is  dɣa  isurf-as  yerna  iwellh-it  (118) Yenna:  ṣubbem  sin  meṛṛa-nwen  wa  d  acengu  n  wayeḍ  ma  tusa-yawen-d  s  ɣur-i  tawelha  ma  d  win  i  iḍefren  tawelha-w  atan  ur  yettraԑ  ur  yetteggac  (119) Ma  d  win  i  yunfen  ɣef  usmekti-w  atan  ɣur-s  yiwet  n  tudert  d  taberkant  u  a  t-nezdi  ass  ubaddid  d  aderɣal  (120) Yenna:  a  bab-iw  i  wacu  i  yi-tezdiḍ  d  aderɣal  u  nekki  lliɣ  ttwaliɣ  (121) Yenna:  akken  i  k-d-usan  anzaten-iw  tettuḍ-ten  akken  daɣen  ass-a  ad  ttwattuḍ  (122) U  akken  daɣen  ad  nxelleṣ  win  i  yuymen  u  ur  yeflis  ara  s  unzaten  n  bab-is  u  angaz  n  tneggarut  d  uqjir  d  amenzug  (123) Wah!  Ur  sen-d-yeskin  ara  acḥal  i  nesenger  send-nsen  deg  tsutwin  tteddun  deg  tmezduɣin-nsen  anecten  d  anzaten  i  wat  tegzi  (124)    Amer  maci  d  awal  i  d-yezwaren  s  ɣur  bab-ik  d  uzemz  ummil  tili  illa-d  d  tuɣunt  (125) Ihi  ẓẓiḍer  i  wayen  i  d-qqaren  u  smaneg  s  umay  n  bab-ik  send  ad  d-yeflali  yiṭij  u  seld  ad  yaɣli  u  deg  yiḍ  smeng  daɣen  deg  ixfawen  n  wass  ahat  ad  teččar  tiṭṭ-ik  (126) Ur  ttciyiԑ  ara  allen-ik  ɣer  wayen  i  nuẓukeẓ  deg-s  kra  deg-sen  d  tinniɣt  n  tudert-a  i  wakken  a  ten-nesekyedin  fell-as  u  tirgit  n  bab-ik  tif  u  d  amenzug  (127) Ssuneḍ  i  twacult-ik  s  tẓallit  teẓẓiḍereḍ  fell-as  ur  k-d-nttetter  ara  tirgit  d  nekni  i  k-d-yettargen  u  taggara  i  tukeṣḍa  (128) Nnan  amer  a  ɣ-d-yawwi  anza  s  ɣur  bab-is  wah!  Ur  sen-d-yewsa  ara  usersur  n  wayen  illan  deg  arraten  imezwura  (129) U  amer  nsengger-iten  s  yiwen  udgaẓ  send-is  tili  nnan-d  a  bab-nneɣ  amer  tceyyeԑḍ-aɣ-d  amazan  a  neḍfer  anzaten-ik  send  a  nelɣen  neɣ  a  ɣ-d-immag  uzwar  (130) Yal  yiwen  imeddi  ihi  mdim  atan  ad  teẓrem  anwi  d  at  webrid  amaɣud  d  win  i  yuffan  abrid  (131)