Macahu...ɣef yiwet n tmeṭṭut d taǧǧalt. Tesɛa yiwen mmi-s d aɛeggun, meskin. D nettat i gettɛicin iman-is : mi teẓḍa taɣawsa a tt-tezzenz.
Yiwen n wass tquma taḍuṭ, teẓḍa snat n tbeṛnyas. Asmi tfukk, tefka-yas-tent i mmi-s i wakken a tent-yezzenz. Temla-yas azal-nsent : sakin iṛuḥ.
Akken yewweḍ ɣer yiwen lexla, yesla i ṭikkuk la ycennu : yenṭeq ɣer-s, yenna-yas :
- Ma tebɣiḍ ad taɣeḍ tibeṛnyas?
Netta yenna-yas :
- ṭikkuk! Yenna-yas weqcic :
- A k-tent-ǧǧeɣ : azekka a d-uɣaleɣ, a yi-txellṣeḍ. Netta yenna-yas :
- ṭikkuk !
akken iṛuḥ s axxam, yeǧǧa tibeṛnyas di lexla, tenna-yas yemma-s :
- Tezzenzeḍ ayen i kefkiɣ? Yenna-yas :
- Ih, nzant. Tenna-yas :
- I ysuṛdiyen? Yenna-yas:
- Ar azekka ad iyi-ten-id yefk.
Almi d azekka-inni, iṛuḥ ɣer lexla ; yenna-yas :
- Azul, a ṭikkuk. Netta yenna-yas-d :
- ṭikkuk ! Yenna-yas :
- Ad iyi-tefkeḍ isuṛdiyn-iw ass-agi ?
Netta ineṭq-d ɣer-s, yenna-yas :
- ṭikkuk! Yenna-yas :
- Ihi, ar azekka ad d-uɣaleɣ,
Winna yeqqar-as :
- ṭikkuk !
Akken d-yewweḍ s axxam, tenna-yas yemma-s :
- Tewwiḍ-d isuṛdiyen? Yenna-yas :
- A yemma, yenna-yi ar d-uɣaleḍ azekka.
Tneṭq-d yemma-s, tenna-yas :
- Lḥaṣun, azekka a ten-id-awiḍ ...
Almi d azekka-nni, iṛuḥ weqcic ɣer lexla : isawel-as :
- Azul, a ṭikkuk. Ass-agi a yi-txellṣeḍ, ma ulac a k-huddeɣ axxam-ik. Winna yenna-yas :
- ṭikkuk !
akken i s-ihudd axxam-is, yufa Isuṛdiyen, yenna-yas :
- Wa ṭikkuk, aql-i ufiɣ isuṛdiyen, lameɛna ur ten-ttadameɣ ara i meṛṛa, ad ddmeɣ kan azal i k-ttalaseɣ. Yenna-yas :
- ṭikkuk !
Iṛuḥ s axxam. Yeḥka-yas i yemma-s, yenna-yas :
- A yemma, ufiɣ Isuṛdiyen, lameɛna ddmeɣ-d kan wigi leckit iɣaḍ-iyi ṭikkuk : ur as-ttaǧǧaɣ ara axxam-is d ilem. Tenna-yas yemma-s :
- Tecfiḍ f umkan-is ? Yenna-yas:
- A yemma, cfiɣ ...
Ddukklen. Akken wwḍen, yuɣ lḥal yemma-s thegga aḥeddur yakk d tmellalin. Akken d-ddukklen, wwin-d yid-sen isuṛdiyen, Sakin yemma-s tleḥḥu si deffir, teṭṭeggiṛ aḥeddur d tmellalin s igenni. Yenna-yas:
- A yemma, wi iɣ-d-yeṭṭeggiṛen wigi?
Tenna-yas :
- A mmi, d ṛebbi !
Akken wwḍen s axxam, yemma-s teẓra d aɛeggun, s dat-s tessers isuṛdiyn-nni g uxxam. Akken yeffeɣ mmi-s, tɛawd-asen amkan. Akken yewweḍ tajmaɛt, yen-na-yasen :
- Nufa Isuṛdiyen nekk d-yemma. Nnan as :
- Melmi ? Yenna-yasen :
- Asmi d-yekkat uḥeddur d tmellalin.
Nnan-as :
- Eɛni yewt-d aḥeddur d tmellalin ?
Yenna-yasen :
- Meɛlum : ṛuḥet s axxam, ad teẓrem ma d tikerkas.
Nnan-as :
- ṛuḥ, a mmi ; kečč d aɛeggun !
ṛuḥen s axxam : ur ten-ufin ara.
Yesɛedda kra n wussan ; yiwen n wass, iwala yiwen wergaz tama n lbir, Iṛuḥ iḍeggr-it, yeɣli. Akken tesla yemma-s, teẓra d akken d netta ara yfeḍḥen iman-is. Teddem tixsi, tezla-tt, ṭṭeggr-itt.
Akken d-ṛuḥen at taddart, nnan-as i weqcic-nni :
- Yessefk ad terseḍ i wakken a d-ddmeḍ argaz tesseɣliḍ.
Akken t-sersen, yufa-n tixsi : yenna-yas :
- Mačči d argaz ay ufiɣ. Nnan-as ;
- Ddm-d ayen tufiḍ. Yenna-yasen-d :
- Yesɛa acciwen! Nnan-as :
- Ala! Yenna-yasen-d ;
- Yesɛa taḍuṭ !
- Ala! Yenna-yasen :
- Yesɛa tifenza !
- Ala !... Ddm-it-id kan, ad nẓer d acu-t.
Akken d-yeffeɣ di lbir, yewwi-d tixsi, tneṭq-d yemma-s, tenna-yasen :
- Twalam, ay at taddart, mmi d aɛeggun : ur t-tament ara ayen ara wen-yini.
Deg wass-nni, xas yexdem taxessaṛt, ur t-ttamenen ara medden.
Yiwen n wass tquma taḍuṭ, teẓḍa snat n tbeṛnyas. Asmi tfukk, tefka-yas-tent i mmi-s i wakken a tent-yezzenz. Temla-yas azal-nsent : sakin iṛuḥ.
Akken yewweḍ ɣer yiwen lexla, yesla i ṭikkuk la ycennu : yenṭeq ɣer-s, yenna-yas :
- Ma tebɣiḍ ad taɣeḍ tibeṛnyas?
Netta yenna-yas :
- ṭikkuk! Yenna-yas weqcic :
- A k-tent-ǧǧeɣ : azekka a d-uɣaleɣ, a yi-txellṣeḍ. Netta yenna-yas :
- ṭikkuk !
akken iṛuḥ s axxam, yeǧǧa tibeṛnyas di lexla, tenna-yas yemma-s :
- Tezzenzeḍ ayen i kefkiɣ? Yenna-yas :
- Ih, nzant. Tenna-yas :
- I ysuṛdiyen? Yenna-yas:
- Ar azekka ad iyi-ten-id yefk.
Almi d azekka-inni, iṛuḥ ɣer lexla ; yenna-yas :
- Azul, a ṭikkuk. Netta yenna-yas-d :
- ṭikkuk ! Yenna-yas :
- Ad iyi-tefkeḍ isuṛdiyn-iw ass-agi ?
Netta ineṭq-d ɣer-s, yenna-yas :
- ṭikkuk! Yenna-yas :
- Ihi, ar azekka ad d-uɣaleɣ,
Winna yeqqar-as :
- ṭikkuk !
Akken d-yewweḍ s axxam, tenna-yas yemma-s :
- Tewwiḍ-d isuṛdiyen? Yenna-yas :
- A yemma, yenna-yi ar d-uɣaleḍ azekka.
Tneṭq-d yemma-s, tenna-yas :
- Lḥaṣun, azekka a ten-id-awiḍ ...
Almi d azekka-nni, iṛuḥ weqcic ɣer lexla : isawel-as :
- Azul, a ṭikkuk. Ass-agi a yi-txellṣeḍ, ma ulac a k-huddeɣ axxam-ik. Winna yenna-yas :
- ṭikkuk !
akken i s-ihudd axxam-is, yufa Isuṛdiyen, yenna-yas :
- Wa ṭikkuk, aql-i ufiɣ isuṛdiyen, lameɛna ur ten-ttadameɣ ara i meṛṛa, ad ddmeɣ kan azal i k-ttalaseɣ. Yenna-yas :
- ṭikkuk !
Iṛuḥ s axxam. Yeḥka-yas i yemma-s, yenna-yas :
- A yemma, ufiɣ Isuṛdiyen, lameɛna ddmeɣ-d kan wigi leckit iɣaḍ-iyi ṭikkuk : ur as-ttaǧǧaɣ ara axxam-is d ilem. Tenna-yas yemma-s :
- Tecfiḍ f umkan-is ? Yenna-yas:
- A yemma, cfiɣ ...
Ddukklen. Akken wwḍen, yuɣ lḥal yemma-s thegga aḥeddur yakk d tmellalin. Akken d-ddukklen, wwin-d yid-sen isuṛdiyen, Sakin yemma-s tleḥḥu si deffir, teṭṭeggiṛ aḥeddur d tmellalin s igenni. Yenna-yas:
- A yemma, wi iɣ-d-yeṭṭeggiṛen wigi?
Tenna-yas :
- A mmi, d ṛebbi !
Akken wwḍen s axxam, yemma-s teẓra d aɛeggun, s dat-s tessers isuṛdiyn-nni g uxxam. Akken yeffeɣ mmi-s, tɛawd-asen amkan. Akken yewweḍ tajmaɛt, yen-na-yasen :
- Nufa Isuṛdiyen nekk d-yemma. Nnan as :
- Melmi ? Yenna-yasen :
- Asmi d-yekkat uḥeddur d tmellalin.
Nnan-as :
- Eɛni yewt-d aḥeddur d tmellalin ?
Yenna-yasen :
- Meɛlum : ṛuḥet s axxam, ad teẓrem ma d tikerkas.
Nnan-as :
- ṛuḥ, a mmi ; kečč d aɛeggun !
ṛuḥen s axxam : ur ten-ufin ara.
Yesɛedda kra n wussan ; yiwen n wass, iwala yiwen wergaz tama n lbir, Iṛuḥ iḍeggr-it, yeɣli. Akken tesla yemma-s, teẓra d akken d netta ara yfeḍḥen iman-is. Teddem tixsi, tezla-tt, ṭṭeggr-itt.
Akken d-ṛuḥen at taddart, nnan-as i weqcic-nni :
- Yessefk ad terseḍ i wakken a d-ddmeḍ argaz tesseɣliḍ.
Akken t-sersen, yufa-n tixsi : yenna-yas :
- Mačči d argaz ay ufiɣ. Nnan-as ;
- Ddm-d ayen tufiḍ. Yenna-yasen-d :
- Yesɛa acciwen! Nnan-as :
- Ala! Yenna-yasen-d ;
- Yesɛa taḍuṭ !
- Ala! Yenna-yasen :
- Yesɛa tifenza !
- Ala !... Ddm-it-id kan, ad nẓer d acu-t.
Akken d-yeffeɣ di lbir, yewwi-d tixsi, tneṭq-d yemma-s, tenna-yasen :
- Twalam, ay at taddart, mmi d aɛeggun : ur t-tament ara ayen ara wen-yini.
Deg wass-nni, xas yexdem taxessaṛt, ur t-ttamenen ara medden.