Ixef (tasurett) n Tgelda_elmulk
S useɣ n Ḷleh amellay amnahay
Yettulemmeḥ win deg ufus-is tagelda, u netta ɣef kra yellan d uzmir (1) Win i d-yeǧǧan tamettant d tudert i wakken a ken-yarem, anwa deg-wen ifent akk tumagin u d netta i d amesserhi d amsuref (2) Win i d-yeǧǧan sa igenwan wa ɣef wa, is twalaḍ deg wayen i d-yeǧǧa umellay kra n targadda, efk-d iẓri-k ma ad twaliḍ kra n iɣisi (3) Dɣa efk-d iẓri-k snat tikkal ad ak-yeqqel iẓri-k yerreẓ d aferkus (4) Aql-aɣ ncebbeḥ igenni n tneddayt s teftilin, nga-tent d ileqqafen i yiriren; nheyy-asen-d alaqi n unazir (5) I wid ineblen s bab-nsen, alaqi n ǧahennama u d yir tuqqla (6) Ma ttuweddfen deg-s slen nnehta-s u nettat trekkem (7) Nniqal ad teṭṭerḍeq seg urrif, yal tikkelt ara yettuweddef deg-s uqḍar, a ten-cahin yemḍifen-is ɛni ur ken-d-yusi ara amcaɣli (8) Nnan ih, yusa-yaɣ-d amcaɣli, d acu neskreks-it, nenna ur d-isris Ḷleh kra, aql-iken-id kan deg unetlef ameqran (9) Nnan lemmer nella nsell neɣ nettxemmim ur nettili seg at unazir (10) Dɣa qarren-d s ubekkaḍ-nsen, ihi ecc akin i at unazir (11)
Atan wid yugaden bab-nsen s tuffra, ɣur-sen asaruf akked tiɣrad meqqren (12) Ffret awal-nwen neɣ iẓẓifet-t, netta atan yeẓra akk ayen yellan deg wulawen (13) wah ur yeẓri ara ayen i d-yeǧǧa yak d netta i d amsulleɣ d aɛebbaj (14) D netta i wen-yessagellen tamurt, ihi ddum di tɣaltin-is, teččem si tekbelt-is, ar ɣur-s asudder (15) ɛni ur tuggadem win yellan deg igenni ad yetti yis-wen tamurt ata tettenkikiz (16) ɛni ur tuggadem win yellan deg igenni ad awen-yazen yiwen uhenḍerur; imiren ad teẓrem amek yegga acaɣli-inu (17) yak skerksen wid yellan send-nwen amek yella ihi xezzu (18) wah ur muqlen ara ɣer yegḍaḍ nnig-sen, teẓẓlen, ẓemmḍen afriwen-nsen, ur ten-ittaṭṭaf yiwen anagar amellay u netta ɣef kra yellan d amsiked (19) Anwa wa yellan netta d lemḥella-nwen a ken-iḥami war amellay, atan imnabalen llan kan di tɛerqawt (20) Anwa wa ara ken-d-ifken kra ma yeṭṭef ayla-s a muran deg uqenzez d ukuẓu (21) ɛni win iteddun yekna ɣef wudem-is i yettuwelhen akk neɣ win iteddun s waddud ɣef webrid amaɣud (22) ini d netta i ken-d-yessekren iɛella-awen timesliwt d yeẓri d wulawen, wannag drus i tesnemmirem (23) ini d netta i ken-yezzuzzren di tmurt, dɣa ɣur-s ara tengedwam (24) Qqaren-d melmi i d aṛeggem-a, ma tellim seg at tidett (25) Ini ma d tussna ɣur Ḷḷeh kan i tella, ma d nekk d amcaɣli kan yumanen (26)
Dɣa mi t-walan s dat-sen, ttwaɣen wudmawen n yinmabalen, yettunna
d aya i tellim tessuturem s tugett (27) Ini is twalam ma yessenger-iyi Ḷḷeh
nekk d wid yellan yid-i neɣ ma yesers-d fell-aɣ tamella, anwa ara iḥarben ɣef
yimnabalen seg yiwen n ulaqi yesseqliliḥen (28) Ini netta i d amellay, nefles
yis-s, fell-as nettkel, atan ad teẓrem dɣa win yellan deg unetlef yumanen (29) Ini is twalam ma uɣalen waman-nwen
zzren, wi ara ken-d-yawin aman yettazzalen (30)