Taqciṭ n wakli isnaɣen snat n tiqbal

Le nègre qui fait battre deux tribus

Buɣanim izem n uftis

smuzgut a zzin lltam

Ɣef kra laḥdit selleɣ iss

Ḥekkun-aɣ-t-id lɛulam

yiwen ugellid s lmal-is

Mi d-iwwi lada s axxam

iɛna ssuq ṣṣebaḥ laḥris

Yufa akli deg-s itsawam

Armi imraḍa d bab-is

Yeḥḍer-d leqbeḍ temxaṣam

Ikker iml-as-d nnefɛ-is

Inn-as : akli d alemmam

Inn-as : Ma injem cceɣl-is

Ma irna ixdem luqam

Ar tin llɛib g iles-is

Ad fell-as ɛemmdeɣ neḥtam

Iddem-it isader i wallen-is

Iffeɣ si lxedma-s iqam

Ar ijanab i ccɣel-is

Amnuɛ izga-d inefḥam

Rabɛin yum irjeɛ ɣer laṣel-is

Yuɣal iqleb usemmam 

Iṛuḥ yehder s iles-is

Ɣer lalla-s zinet lucam :

Medden la heddren fell-as !

Kem mazal-kem deg nniya-m :

yiwet da d ta Sidi tesḥer-as

Ibɣa-tt d zzyada fell-am !

Ma ad taɣeḍ awal n ukyis

Nekini ad ṭebbreɣ fell-am :

Tessneḍ leɛwayd g iḍes-is

Heggi d uzzal ɣer tama-m

Kkes anẓad si tamart-is

Ad tɛemmdeḍ ur d-ittnelqam

Siyen iqleb ɣer Sidi-s :

Balak a k-iɣder lemnam!

Lalla tɛenneq uzzal s iri-s :

Ɣer leɛca i k-id-saram

A k-tezlu ad tmudd iɣill-is

Zriɣ-tt ay deg tessexdam

Itti iɛuss-itt s ddkir

Istaɛmel iɣder-it iḍes

Ikker iddu-d d uḥaccir

Izlu m leɛdad nnaqes

Akli ɣer lahel-is isir

Jaɛjel s umedyaɛ g iles :

Temzel lalla m ccembir

Ha-tt si idim texnunes!

Temzel la ɛib la ɛetṛa

Tamtilt lḥajla n Maɣres !

Ixdem ljuṛ s lkutṛa

Ameɛna d kunwi a yesarxes

Ayt tamdint-nni rekben

Kull wa am lbaz iqnes

Gullen s limin ɣelqen

Ar d-awwḍen irkull ɣur-s :

Ixef n ugellid a t-nekkes !

A ttar ! ama ur as-nezmir :

Iwata sswad a t-names

A nsimes iman-naɣ s ixmir !

Leḥqen agellid ur ikkir

Deg usu iɣleb-it iḍes

Netta daɣen nɣant s ddkir

Kull wa deg dim ixnunes

Akken akk dug fus n lmut

Ɣef ta ur n ujib Lḥaṣul

Yuɣal urgaz d tameṭṭut !

Ay ameggaz ḥekker lqul

Ɣer wakli ixreb-asen nnir

Iwwet ɣer medden s iles

Bab n lmedheb ur iskir

Kra i t-iqrun yumes

Ay agellid ay uzmir

A win ur iɣdir iḍes

Temnaɛḍ-aneɣ g wass ukmir

D jmiɛ akka d nḥesses !